Page 37 - AVP

ORANJESTAD (AAN) – Minister di Enseñanza, Ciencia y Desaroyo Sostenible, a señala
den conferencia di prensa di gobierno, Diahuebs, cu e no ta cortando presupuesto den
calidad di enseñanza, e ta corta den exceso di gasto, cu ta innecesario.

Minister Rudy Lampe a subraya cu por mira e trabaonan cu ta worde haci na San
Nicolas, na unda nan ta drechando y ampliando e scol na Fontein, y di e manera aki ta
haci maximo esfuerzo pa asina aki mantene e calidad den enseñanza.

Loke e ta corta, manera el a anuncia siman pasa, ta riba e excesonan innecesario cu tin
den inversion di enseñanza.

“ Awor, ami no por bay corta riba exceso? Pa otronan si y pa ami mes no ta bay corta?

Nos mes tin cu duna e bon ehemplo, pesey den biahamento mi no por haci un biahe di
gastonan miyonario anto mi ta bay corta riba exceso den enseñanza. Cu razon e
hendenan ta bay bisa e ora ey ‘bo no ta serio’. Pasobra si bo kier cambia mundo mester
cuminza pa bo mes. Pesey mi kier mustra cu nos ta cuminza cu nos mes”, Minister

Lampe a remarca.

E mandatario a reitera cu el a gasta 12 mil y pico Florin so den biahenan di trabao y cu
resultadonan positivo pa nos pais, pues nan ta purba na e maximo pa corta gasto den

su ministerio pa no crea exceso y su staf ta consisti di solamente diez persona,
ambtenaar. E ta purba di ta lo mas austero posible, sin chofer, etc., pa duna e bon
ehemplo na prome lugar.

E minister a subraya cu e lo continua cu e inversionnan necesario cu ta worde haci den
e scolnan. El a indica cu na Colegio San Hose e inversionnan ta sigui. Nan ta
preparando pa e aña escolar nobo, y asina aki ta haci su maximo esfuerzo pa e calidad
di enseñanza pa nos muchanan keda garantiza.

https://www.diario.aw/2019/08/no-ta-cortando-gasto-riba-calidad-di-ensenanza-pero-si-den-exceso-di-
gastonan-innecesario/