Page 58 - SJA

famia. E ora ey ta bisa cu kier pa e hende muhe ta tur prepara cu por tin pa e
por eherce e trabao ey como mama, como educado na cas.
Den diferente fundacion Brown ta fungi y e ta presidente tambe di Reclassering
y ta mira e diferente problemanan cu tin den comunidad. Tin biaha hogar ta
lanta un mama cu su yiunan so. Ta un lucha hopi grandi, vooral si bo tin yiu
homber pa bo por educa nan na un manera corecto.
SEDEHM tey pa sostene hende muhenan tambe. Mescos cu e otro fundacionnan
cu tin, pa yuda hende muhe cu nan propio desaroyo y desaroyo di nan yiunan.
Kico a pasa cu hende muhe ta keda un victima, ta keda pasa den yen di cos,
ciendo cu nos ta den 2017. Nos no ta den era di 60 of 70 caminda tin
descriminacion y machismo. Segun Brown, e mes ta cuminsa bisa na su mes
como hende muhe, a yega tempo cu tin cu stop di bisa hende muhe cu no
mester laga e homber maltratabo. Bo djis tin cu sa cu maltrato no ta OK. Abo
no tin cu bin pa bo wordo splica. Mester por a yega eynan caba, pero
lastimamente no a yega eynan. Tin diferente motibo den esaki, pasobra por
ehempel, hopi hende muhe ta financieramente dependiente di hende homber. E
ora ey pasobra bo no por bay riba bo mes, bo ta tuma, bo ta acepta hopi di e
abusonan y esey ta keda un patronchi cu ta sigui, segun Sandra Brown.