Page 15 - AWEMAINTA
P. 15
Diahuebs, 20 December 2018 AWEMainta 15
Dos empleado di un compania grandi y conoci di lift,
Gara ta hortando cantidad grandi di
bebida alcoholico for di Riu Palace
DIALUNA den oranan di atardi, na Riu Palace nan
a atrapa dos persona ta hortando bebida alcoholico,
e dos trahadornan aki ta traha cu e compania mas
conoci di lift na Aruba.
E compania aki ta duna servicio di lift na varios ho-
tel entre otro Riu Palace.
Aparentemente pa algun tempo caba Riu Palace ta-
bata nota cu tin un cantidad di bebida alcoholico ta
wordo horta for di e hotel, nan a ripara y a cuminsa
sospecha riba e trahadornan di e compania aki, pero
no ta descarta cu nan por tin sospecha tambe riba
cierto trahador di e hotel mes cu por ta envolvi den
e ladronicia aki.
Den pasado a yega di haya boternan di alcohol scon-
di den un lift, probablemente lo ta boternan cu nan
lo a logra bay cune. Algun dia pasa como 30 boter di
alcohol a desaparece.
E hotel a pone mas mihor control y dialuna atardi a
canta bingo, na momento cu a cuminsa vigila e tra-
hadornan aki y durante control nan a haya nan ta
hortando un cantidad grandi di alcohol.
Un total di mas o menos 20 liter di alcohol, cerbes y
otro bebida mas.
Nan a gara nan cu rum cu a wordo basha den botter
di awa pa disimula, tambe nan a sconde varios be-
bida den hemchinan.
Mesora a avisa Polis, na yegada Polis a detene am-
bos trahador di e compania di lift aki y nan a wordo
transporta pa Warda di Polis na Shaba.
Polis n’e sitio a surgeri e gerencia di RIU pa bay en-
trega un keho oficial, p’asina por cuminsa cu un in-
vestigacion.
Autoridad aparentemente a avisa e gerencia di e com-
pania di lift, e gerencia a bay Warda di Polis pa haya
sa mas di kico su dos trahadornan tabata haciendo.
Investigacion lo mester saca afo si tin mas persona
envolvi y si t’e mesun trahadornan aki tabata horta
alcohol na RIU Antillas tambe. No ta descarta cu por
ta trata di benta di alcohol procedente di ladronicia.
