Page 9 - FDLP
P. 9
ORANJESTAD (AAN)- E team di S.V. R.C.A. cu diabierna ultimo a celebra 85 aña di
existencia, kier gradici tur persona cu a yega Misa y tambe a pasa club pa un rato
ameno. Na e ocacion aki a duna un gradicimiento y reconocimiento masha special na
Danny Kelly, Icho Matos y Rafa Vanegas.
Tambe na nan sponsornan un danki pa nan contribucion pa cu e anochi aki. Pa locual
tawata e bautiso di uniformnan nobo di tur division, directiva ta gradeci tur e
sponsornan.
Alavez directiva ta invita e fanaticada completo pa ban yega stadion awe diaranzon pa
8’or den CDGPT pa apoya e soldatnan tricolor cu lo enfrenta Nacional. RCA ta biniendo
di dos victoria convincente, 4-0 vs La Fama y 8-0 vs Riverplate.
Los Tricolores ta na di dos lugar cu 5 punto diferencia cu e lider Nacional. Fanaticonan
tricolor ta drenta stadion na e porta pega cu e gym ya cu RCA ta home-team. Den half
time lo rifa un jersey nobo 85 aniversario. Tambe por pasa club tur diamars y diahuebs
atardi pa cumpra bo jersey cu e logo 85 aña serca Yazmira Tromp.
https://www.diario.aw/2019/02/awenochi-rca-lo-enfrenta-nacional/
