Page 50 - R.Arends jan 3

logra hopi di e retonan cu tabatin poni padilanti cu a keda realisa. Tambe e proyecto di
mas importante cu ta sigura e futuro di IMSAN tambe a keda logra den aña 2016.
Segun director e futuro di IMSAN ta e ampliacion di e servicionan cu lo bay brinda na
henter e poblacion di Aruba y pafo di Aruba. Lo bin e radiotherapy, bestraling eenheid
cu ta bay bira un realidad y tambe a haya financiamento pa henter e pakete di e master
plan , esaki kiermen cu lo bay habri e sali di steralisatie di tur e instrumentonan di
cirugia esaki lo bay bira un sala hopi moderno cu tur e ekipo cla pa start y pa bay.

Tambe IMSAN lo bay habri dos sala di operacion pa por haci operacionnan general. Na
momento cu por haci e operacionnan aki por baha e lista di espera cu ta un di e
problemanan mayor cu nos tin. Tambe lo bay habri un sala di operacion specificamente
pa operacion di wowo. Lo habri un parti cu na momento cu un persona mester opera
den dia e lo por keda den e sala te ora cu solo baha pa asina keda bao di control algun
ora despues di e operacion y despues lo por bay cas bek. Lo renoba tambe e
departamento di saca potret y tambe lo renoba e sala di emergencia.

Tur e parti aki lo bay dura 20 pa 24 luna pa e proyecto por ta cla. Tambe lo bin ful un
sistema di coriente nobo pa asina e ta bon ahusta pa tur e aparatonan cu lo bin por
haya e coriente necesario. Den e master plan tambe tin e opleiding pa asina tur e
personal di IMSAN pa na momento cu e edificio ta cla cu tur e aparatonan nobo y cu
cada trahado por haya e creditacion special pa asina tur pashent por di Aruba y di afo
por bin pa por bin tuma nan tratamento medico na Aruba. Director di IMSAN ta
sumamente contento y por bisa cu e aña tabata uno super exitoso pa IMSAN y alabes
ta hopi orguyoso di tur persona cu ta traha na IMSAN y den IMSAN.