Page 7 - DIGICEL JAN 20

26 AWEMainta Diabierna, 20 Januari 2017

Aruba Bank ta sostene cultura pa sigui engrandece
Carnaval y stimula union di nos comunidad

E pionero bancario ta aporta na Caiso y Soca Monarch y patronisa e Road March 2017

CARNAVAL ta e festividad cultural di mas celebra aki na

Aruba. E celebracion anual ta parti di nos historia y cultura.
Un temporada unda comunidad ta uni pa celebra hunto cre-
atividad artistico y talento di nos musiconan, carnavalistanan,
diseñadornan y numeroso personahenan di e mundo di
Carnaval. Como miembro di comunidad Arubano pa cerca
di cien aña, Aruba Bank, e banco pionero, netamente di nos,
ta sigui forma parti di e historia di Carnaval den 2017.

Aruba Bank no ta simplemente apoya nos Carnaval, sino e
ta apoyando e talento musical, tanto e baluartenan como
esnan cu ta cuminsando den e genero, sosteniendo fundacion
MUSICA cu ta presenta Aruba su Caiso & Soca Monarch
Festival 2017 poniendo e premio di Road March disponibel
na e fundacion como tambe contribuyendo na e premiac-
ionnan di e ganadornan absoluto di e extravagansa musical.

E cultura di un pais ta biba den curason y den mente di
su hendenan. Aruba Bank ta kere firmemente den sostene
cultura, pa sigui engrandece carnaval y stimula union di nos
comunidad como tambe e desaroyo artistico di e participan-
tenan di Caiso & Soca Monarch.

Alabes Aruba Bank tin su promocion pa e temporada
cu nan “More Time for yourself cu Aruba Bank App”.
Cu e App di Aruba Bank bo por disfruta di e libertadnan di
bida sin tin cu para den rij y warda, dunando bo e tempo pa
haci locual cu abo ta gusta haci.
Download y activa bo Aruba Bank App y haya mas tempo pa
bo mes. E App aki ta ofrece servicio bancario 24 ora pa dia,
unda bo por maneha bo placa, ki ora cu ta, na unda cu bo ta.

Pa mas informacion por bishita nos pagina di web: https://
www.arubabank.com/services/24-7-banking/personal-aruba-
bank-mobile-banking.