Page 37 - AHATA

Si cos bay bon San Nicolas tambe ta bay bon…Nan budget ta chikito y ta mas dirigi riba
e comunidad.

E cuminda cu lo bende ta cuminda special na San Nicolas. Island Fest ta mas grandi. Ban
Topa na San Nicolas ta mas local. Nan no tin banda musical, pero lo cuminsa di 6:30 te
cu 10or.

Sonny Richardson, otro miembro di e grupo a duna di conoce cu nan a scoge diahuebs
como nan dia di Ban Topa na San Nicolas. Tin un organizacion cu a manda informacion
na tur e hotelnan. E ta un intercambio cultural. Nan ta spera cu tur hende Sali topa cu
otro.

Sonny Richardson hunto cu Patrick Gumbs tin experiencia di traha den Carubbean. A uni
cu e grupo aki, Jose Marquez, kende a splica cu nan kier tin sikiera algo pa San Nicolas.

Nan intencion ta pa envolve tur hende, pero tin cu ta envolvi cu Island Fest caba. Nan ta
mas un fiesta di pueblo.

E cos importante ta cu e actividad Ban Topa na San Nicolas ta na San Nicolas y ta pa
henter Aruba. Otro barionan tambe por haci algo similar den nan bario.

E ta un ehempel con por na Aruba, ademas Island Fest, segun Minister Dangui Oduber lo
cuminsa awor na San Nicolas, pero cada luna lo bay den diferente bario rond Aruba.

E grupo aki, no kier keda cu un bashi, y maske nan tambe ta sali un bes pa luna, e
intencion pa haci’e dos bes pa luna, pero pa San Nicolas.

Finalmente Patrick Gumbs a invita tur hende pa bin San Nicolas dia 23 di mei awor pa
6:30 pa 10or…

Mike Petronia, otro sostenedor di e actividad aki, sigur siendo e ta biba e cultura di San
Nicolas tambe ta spera bon reaccion pa reanima actividad na San Nicolas.