Page 40 - MIN.MIKE DE MEZA
P. 40
Minister Yrausquin a gradici Gobernador Refunjol pa su contribucion pa Aruba y
Reino
14 December, 2016
0
DEN HAAG – ‘Gobernador, bo persona a contribui na orguyo y dignidad di
Aruba y na e fortalesa di Reino Hulandes. Ta obvio, Gobernador, cu bo
persona a haci mas di loke bo funcion ta permiti. Gobernador a saca
garganta pa mi persona, pa Aruba y pa Reino Hulandes y pa esaki ami y
nos tur ta masha agradecido na sr. Gobernador pa esaki.’ Asina Minister
Plenipotenciario Juan David Yrausquin a bisa den su discurso na ocasion di
e recepcion di despedida pa Gobernador Fredis Refunjol den Rolzaal na
Den Haag.
E mandatario den su discurso a para keto na e personalidad di
Gobernador Fredis Refunjol kende a ricibi e confiansa na prome instante
di e alumnonan di Heilig Hart College, nan mayornan y henter e
comunidad Arubiano. Despues a sigi tur e partidonan politico na Aruba y
por ultimo Reino Hulandes. ‘Si nos puntra na e cualidadnan mas distintivo
di Gobernador Refunjol, bo ta tende den henter Reino: modesto, integro y
cu un sentido di deber hopi halto, pero tambe y specialmente sincero,’
asina sr. Yrausquin a bisa.
‘E cualidadnan aki di bo persona semper a uni nos – mi persona como
presidente di ATIA, como miembro di Staten di Aruba y como Minister di
Finansas. Den tur e funcionnan aki bo persona a duna mi consehonan
