Page 9 - MIN.MIKE DE MEZA

22 AWEMainta Diahuebs, 15 December 2016

Hopi entusiasmo pa reparticion sticker di AVP

ULTIMO fin di siman, lider di partido AVP, Mike Eman, demas
dirigente, simpatisante hoben y di mas edad di e partido berde a
bin hunto na Green Square riba skina di L.G. Smith Blvd y Adriaan
Lacle Blvd. pa ta parti di e actividadnan cu ta tumando lugar eynan.
Un di e actividadnan cu tabata hala atencion ta ponemento di sticker
riba auto di esnan cu tabata desea esey. Hopi t’e chofernan cu a para
n’e skina berde pa haya nan sticker berde den forma di un smile.
E partido berde, e partido di speransa, ta den preparacion pa su
evento anual cu ta Concierto di Speransa cu e aña’ki a wordo
yama Feria di Speransa cu ta tuma lugar diabierna awor dia 16 di
december.
Ya for di 5.30 di atardi varios actividad ta start. Pa cuminsa pone
ambiente den curpa diadomingo ultimo dirigente y simpatisantenan
a bin hunto unda cu a presenta integrantenan di e diferente ban-
danan cu lo presenta e anochi aki y na mesun momento Presidente
y miembronan di e hala hubenil di partido, HAC, a keda presenta
n’e publico presente.

Presidente di HAC t’e conocido dj Nutzbeatz, kende tambe lo pone
e skina tembla diabierna awor cu su musica cayente.
A keda demostra un entusiasmo grandi p’e sticker nobo di AVP cu
ta disponibel pa tur cu ta desea.
Un cantidad di auto y basta taxista, a presenta cu nan vehiculo pa
duna muestra di nan apoyo n’e partido berde, y a pone e sticker
den forma di un smile, riba nan auto.
Tabata un atardi hopi ameno unda e entusiasmo pa eleccion Parla-
mentario di 2017 a contagia tur presente. Stickernan ta disponibel
pa tur esnan cu kier pone esaki riba nan auto.