Page 68 - JUS

Polis a subi caya cu grupo grandi di persona mantene orden
publico durane fin di siman largo di carnaval

Tuesday, 28 February 2017 22:24
Comparti

Nos a papia cu comisario di polis, Vanessa Kock, kende tabata riba caya hunto cu su coleganan di Cuerpo
Policial. No tabata un dia facil, esta diadomingo. Pasa di 10'or di anochi ainda problemanan no a caba.
Kock tabata hunto cu un grupo grandi di persona di e team di maneho, cu practicamente tin di bisa cu
tabata dirigiendo carnaval y e otronan tabata encarga cu e otro tareanan., Den e caso aki, Carnaval a yega
na e ora stipula na final. Esaki a bay segun e palabracionnan cu tabata tin y despues e momento cu nan a
drenta Harbour Arena, tabata manera cu tur cos a wordo palabra. Pero tin di bisa cu durante di full e
ruta di Carnaval, polis su mannan tabata hopi yen, cu diferente incidente, di orden publico
principalmente. Ta sigur cu tur unidad a traha bastante duro pasobra tabata tin hopi detencion riba
diferente tereno y hopi uzo di alcohol principalmente.
Problema no a caba
Kock a sigui splica cu semper ta asina cu na momento carnaval caba, a haya cu problemanan na banda di
e ruta. Esey semper ta e caso tur anja. E anja aki tabata mesun cos. Durante parada di carnaval a haya
problemanan aki aya, principalmente cu bringamento. Uzo di alcohol tabata un factor caminda cu e
hendenan tabata lanta contra otro riba e ruta. Manera cu carnaval a termina, hopi mas cos a pasa.
Personanan ta purba di bay cas, nan ta purba di drenta nan auto, etc. Tabata tin hopi control riba caya.
Unidadnan di trafico motorisa tambe a haya nan cu bastante caso caminda cu personanan ta uza alcohol
y cu ta tras di stuur. Tin di bisa cu polis no a keda cla pa e momento ey.
Nan mannan tabata yen caba na momento cu carnaval a cuminsa y na fin di dia ta haya cu despues cu e
carnavalistanan a bay cas, nan ta haya nan mes cu e otro parti.
No tabata facil
Esaki tabata un planning riguroso cu ta tuma luga Na momento cu tin parada grandi, aunke tur ta
diferente, tin e polisnan uniforma riba caya, durante carnaval, den e ruta di carnaval. Los di esaki tin
polis uniforma cu tin cu keda den e districtonan. Tin recherche riba pia, pasobra naturalmente si algo
mester pasa nan tambe tin nan trabao. No mester lubida cu den casonan manera esun di ayera di
tiramento, mester tin unidadnan di recherche riba pia. Sin lubida e grupo cu ta keda cu e parti pa caba cu
e trabao na momento cu tin detencion, ta un otro tipo di planning. Ta papia, di depende di e actividad,
tin entre 4 pa 5 subfiscal y sin lubida e personal di recherche, cu tin cu sigui cu e trabao te na final, segun
Kock.

http://www.24ora.com/index.php?option=com_content&view=article&id=119197:polis-a-subi-caya-cu-
grupo-grandi-di-persona-mantene-orden-publico-durane-fin-di-siman-largo-di-
carnaval&catid=6:policial&Itemid=8