Page 28 - MIN JUS

2 MINS
POST VIEWS: 40

ORANJESTAD,Aruba

E proseso penal conoce diferente principio,derecho y libertad nan,cu generalmente lo mester tene
cuenta cu nan ora ta prosesa of ta bay prosesa un sospechoso di un echo castigabel. E Arubiano lo
duna algun principionan cu ta ancra den e tratadonan, den constitucion di Aruba, den Codigo aki y

otro ordenansa nan di proseso penal.

Principio di legalidat: E principio aki ta encera,cu ningun sospechoso por wordo persigui y
sentencia si no ta existi un ley (un ordenansa general) cu ta stipula e manera y ta menciona e echo pa

cual ministerio publico kier procesa un sospechoso.

E principio aki ta encera tambe cu ministerio publico mester persigui tur sospechoso di un echo penal
contal cu ta existi e posibilidad cu e lo por logra su condena. Di un otro banda ta existi e tratado
internacional tocante derechonan civil y politico: tratado pa proteccion di e derechonan di hende y e

libertad nan fundamental (tratado di Roma)

Principio di oportunidad: E principio aki ta encera cu e ministerio publico lo no persigui un
sospechoso si esaki ta contra interes general.

Principio di ta inocente te ora declara culpabel: E principio aki ta encera cu ningun sospechoso ta
castigabel pa un echo cu previamente e no a wordo stipula legalmente den ley (un ordenansa) Pues
tur persona cu ta wordo persigui pa un echo castigabel ta wordo considera di ta inocente te ora su

culpabilidad segun di un ordenansa nacional a wordo proba.

Principio di bon gobernacion: Varios di e principionan aki ta wordo reconoci den e proseso penal.
Por ehempel trato igual den caso igual, e prohibicion pa discriminacion etc etc

Principio di un proseso husto, di un fair trail: E ta encera equality of arms,principio cu e

sospechoso tin e derecho di ser tendi,principio di confiansa den trafico riba caretera.