Page 12 - RESPALDO

Zuid di Hulanda y tin un duracion di dos aña y mey. Pa cu esaki Respaldo lo ta
trahando conhuntamente cu Mental Health Caribbean cu ta e instituto cu ta
coordina e estudio aki pa e region.

Fundacion Respaldo ta sumamente contento di por yuda hasi posibel pa nos
psicologonan na Aruba lo por sigui e specialisacion aki na Aruba mes. Di e
manera aki pronto Aruba por conta cu mas GZ-psychologen cu lo hasi cu e nivel
di e cuido lo subi substancialmente. Gradualmente lo por bai responde mihor na
e gran necesidad di atencion pa salud mental y adiccion na Aruba. Respaldo a
atende na 2017 alrededor di 2.000 cliente y na 2018 alrededor di 3.500 cliente
a wordo atendi. Esey ta un aumento di alrededor un 75% mas cliente atendi
den transcurso di un aña. Respaldo ta riba e caminda corecto, pero no por
nenga cu ainda tin hopi trabou pa eherce. Tur aña, alrededeor di 10.000 adulto
y mucha/hoben na Aruba mester di atencion medico pa tratamento di
problemanan mental. Cooperacion concreto di tur stakeholders ta indispensabel
den e proceso aki.

https://masnoticia.com/respaldo-ta-firma-acuerdo-formal-di-cooperacion-importante-cu-svga/