Page 19 - AWEMAINTA
P. 19
Diahuebs, 19 September 2019 AWEMainta 19
Habitante a yama polis pa persona desconoci den cura di cas
DIAMARS anochi den careda di 10’or Polis a
bay direccion San Barbola, unda lo tin un persona
desconoci den cura di cas. Aparentemente un adicto.
Na yegada di Polis a bin resulta cu e susedido aki lo
a pasa hopi mas tempran di diamars anochi. A ser
papia den careda di 8’or.
E informacion aki lo a drenta di habitantenan y al-
gun mucha hoben cu lo tin un persona den cura di
e cas. Segun e personanan, e persona aki supuesta-
mente ta un adicto cu lo tabata busca algo den un
toolbox di e cas.
Nan a sigui conta Polis tambe cu e persona descono-
ci aki tabatin algo parecido na un palo den su man.
Ora el a wordo descubri e lo a menasa di dal esnan
cu e haye, dor di haci un movecion cu e palo.
Mirando cu e incidente a pasa oranan mas tempran,
unico cos cu Polis por haci tabata tuma dato y tira
un bista rond pa mira si lo por mira e persona.
Bayendo direccion rotonde Paradera;
señora ta bolter cu su Kia Picanto
DIARANSON merdia algo prome
cu 1’or Polis y ambulance a bay poco
pabou di MFA Paradera, unda un
auto a bolter.
Na yegada di leu por a mira e auto
riba su dak. Yegando cerca nan wak
cu tabata trata di un Kia Picanto
bruin.Na stuur tabata un señora.
Segun e señora e tabata bayendo di-
reccion rotonde di Paradera, y dado
momento e stuur a cuminsa tembla.
Dor di esaki e tire lo a dal contra
acera y causando cu e auto a bolt-
er. Pero, segun e señora e no tabata
coriendo duro tampoco.
