Page 16 - AVB

FFD su Bestuur ta consisti di 3 representante nombra pa ASU, 3 representante di Lotto pa Deporte y 3
representante nombra pa minister di deporte. Comprendibel ta cu e 3 representantenan di Lotto y di ASU
kendenan ta berde di mes y no tin e minimo idea pa baha of entrega nan retiro manera un ciudadano comun y
coriente lo actua. Sinembargo e 3 representantenan nombra pa Minister Schwengle ainda ta keiro den FFD.

Parlamentario Croes ta manda un recomendacion fuerte pa su Minister di Deporte pa acelera e cambionan
necesario den FFD cueste loke cueste. Si bo no kier bay den bon nos lo percura pa bo bay den malo, segun
Croes ta splica. Imposibel un bestuur di FFD cu no ta funciona ainda ta na poder. Si mester bay corte bek asi

sera pero Croes no kier tolera ni un solo dia mas sin mira un cambio.

No tin placa pa mentencion?

Pakico Croes ta indigna? Algun siman pasa e technical staff di CONCACAF tabata na Aruba pa asina “keur”
ambos stadion tanto Compleho Deportivo Frans Figaroa como Stadion Guillermo Prospero Trinidad na

Dakota. CONCACAF tin su Nations League andando unda Aruba lo mester enfrenta Bermuda 9 di September
proximo. Lamentablemente ambos stadion a wordo “afgekeurd” pa e technical Staff di CONCACAF. Ambos
Stadion ta den mal estado y no ta cumpli cu e standardnan minimo. Pa Aruba competi Aruba su seleccion
mester biaha pa Corsou pa bay hunga aya na hermana isla den un Stadion cual si a pasa e “keuring”. Mike
Eman a crea un structura na FFD unda awe tin hasta un Directeur kende ta cobra 10 mil florin pa luna. Tin un

payroll di alrededor 2 miyon florin pa aña y no tin placa pa mantene y drecha nos stadionnan? Unda nos ta bay
y te ki dia mester keda wanta e abusonan aki? Tristo cu mester rebeldia pa hiba deporte dilanti.

Ladron ta ser premia

Por corda tanto ex minister Ramon Lee y su ruman kendenan tabata e motor den deporte, esta Dochi Lee a

traha incansablemente pa por a renoba e Stadion Frans Figaroa y esun na Dakota. Dochi Lee semper a percura
pa fondonan pa mantencion di nos parkenan pa weganan internacional di nos Seleccion di Aruba por tuma
lugar na cas. Hopi tristo pa mira e direccion cu cos ta bay. Pa colmo un empleado AVP amigo di Mike Eman a

wordo kita pa ladronicia 3 luna pasa y Mike Eman himself ta yama e Directeur actual kende ta su bon amigo
pa tum’e bek na trabou cual a tuma lugar tambe. Pues Parlamentario Endy Croes tin hopi preocupacion pa e
rumbo cu FFD ta bayendo y ta exigi pa tuma accion a la fuersa pase loke pase, Endy ta termina bisando.