Page 42 - JUS
P. 42
Polis deteni keto bay a duna cuenta varios biaha na BIZO
Tuesday, 07 March 2017 22:08
Comparti
E agentenan cu ta sera actualmente ainda ta dunando cuenta na BIZO. Esaki ta e departamento cu ta
encarga cu investigacion interno di cuerpo Policial. Despues di e keho riba maltrato den Paradijs e
anochi di carnaval, e agentenan a haya nan mes den problema despues cu keho a wordo entrega.
Varios testigo a declara contra e agentenan pa maltrato. Esaki ta e melding caminda un dama a yama
y segun central di Polis tin un homber kier tira e muhe den cas. Polisnan a yega tur cu tin pa asina
evita esaki. Nan a haya nan mes awor den problema pa motibo di agresion cu a laga e homber Omar
A basta maltrata. Despues di e diferente declaracionnan a bay over na detene e dos agentenan.
Diamars mes nan tabata na BIZO atrobe pa duna cuenta. Ya caba nan a wordo presenta dilanti huez
comisario. Abogado tambe ta pendiente pa mira si despues di varios declaracion, lo laga e agentenan
bek den libertad. Sindicato di Polis y demas agentenan ta hopi rabia cu a detene nan colega cu a bay
brinda asistencia y a haya nan mes den problema te cu a perde nan libertad. Lo keda pendiente pa
mira kiko mas lo sosode cu e dos agentenan Webb y tambe Yarzagaray.
