Page 36 - HOH

Despues Dangui Oduber a convoca un reunion cu tur esnan envolvi pa papia riba e
construccion di Hospital y e dia ey, el a tuma nota cu e Kroonledernan di Gobierno cu a
entrega nan retiro tabata presente den dicho reunion.

E ora ey Minister Dangui Oduber a puntra su mes, con por ta posibel cu e miembronan cu
a entrega nan retiro, ta presente den dicho reunion. E contesta cu Dangui Oduber a haya
tabata, cu e otro miembronan a desea pa nan keda y asina esnan cu a retira, a keda
nombra bek den Raad van Toezicht.

Kier men, tabatin un stoelendans. Kier men nada no a cambia. For di e tempo ey caba
Minister Dangui Oduber a expresa su opinion.

Esta cu e no tin confianza den cierto miembro di Raad van Toezicht. Pesey el a bisa
tambe, cu no e no kier pa tur miembro entrega nan retiro, pero sigur cierto miembronan,
pero no a menciona cua. MEP a boga pa cambio y n’e nivel aki tambe mester bin cambio.