Page 39 - MIN ECEM DEC 2, 2016

Cosecha a habri oficialmente na San Nicolas y cu workshop
pa prensa

Thursday, 01 December 2016 19:50
Comparti

Cosecha tin un actividad cu workshop pa prensa riba su prome dia. Nos a papia cu Joanne Dirksz, ta su
directora y nan tabata na San Nicolas pa duna un rueda di prensa
, caminda nan anuncia e apertura di Cosecha San Nicolas durante dia di ayera. Nan a traha hopi duro pa
habri e luga hunto cu e tema di San Nicolas. Pesey mes a invita prensa pa tey presente pa por bin wak
kico Cosecha tin pa bende na San Nicolas. Tambe e area di tayer, cual ta un punto di diferencia. Si
compare cu Cosecha na Playa, ta mas un galeria y na San Nicolas nan tin e look industrial, cual ta pas
tambe pa San Nicolas y tambe tin e area di tayer.
Miembronan di prensa a haya e feeling kico Cosecha tin pa ofrece door di a traha un mascarada.
Promocion
Awor aki Cosecha ta focus riba dos target group. Ta esun di local, caminda nan ta pusha mas pa haci
workshop. Por ehempel tin un workshop caba December 10 y December 17, cu por traha areglonan di
pasco cu driftwood cu e artesano Maria Onni. Ta pa muchanan di 8 pa 12 aña, cual nan a ranca start
cun'e. Nan lo bay tin otro tayernan pa tanto hende grandi como pa mucho. Esey lo bay bin den
transcurso di simannan, caminda cu nan lo anuncia kico mas nan lo tin pa December.
Tambe pa e turista, ta bay pusha pa bay traha cu tour operator pa nan pasa y haci un workshop of
cumpra un souvenir di nos artesanonan local.
Pa loke ta e muchanan di 8 pa 12 aña, den e tayer aki nan lo mester sa kico mas. E artesano lo laga e
muchanan traha cu klei riba driftwood. E artista, Maria Onni ta traha hopi colorido y un mucha di 8 aña
bay ariba ta pas perfecto pa nan traha algo asina pa e temporada di pasco.
Artesanonan
E idea ta pa varia e artesanonan. Tur artesano ta bon bini pa haci un tayer na Cosecha. E ta bay ta
diferente tayer. No solamente por ehempel driftwood cu klei, pero tambe tin cu pensa riba otro tipo di
artesano. Den Cosecha tin diferente por ehempel traha cu mosaic, traha peluche, traha cadena. E ta varia
masha hopi mes.
Cafetaria
Cosecha tin planea pa habri ainda den December e cafetaria. No por duna un fecha exacto, pero esey ta e
meta. E idea ta e ora tambe cu tin e F&B area pa personanan cu ta sigui e tayer, pero tambe alabes
personanan cu gewoon drop by y bay come algo den e cafetaria.
Tayer
12 persona por participa den e tayer, sinta. Y para, mas of menos 10 persona por participa. Nan tin tur
ekipo, tur material, tur cos ta eynan mes. Solamente mester sigui nan riba Facebook, caminda cu lo pone
tur tayer cu lo bay tin pending pa e siguiente lunanan.