Page 16 - MIN ECEM 7 APRIL 2017

Criminalidad ta afectando nos turismo, nos

pilar economico mas importante

Segun Michelle de Groot directora di ATIAORANJESTAD (AAN): Aruba Trade and
Industry Association (ATIA) a mustra su preocupacion pa loke ta e casonan di atraco cu
ta tuma lugar diariamente na Aruba.Directora di ATIA, Michelle de Groot a expresa cu
algun siman pasa nan a wordo invita door di Ministerio di Husticia cu a organiza un

presentacion conhuntamente cu Cuerpo Policial, Departamento di Inmigracion, Warda
Nos Costa, entre otro riba e tema di criminalidad.Segun de Groot, a mustra riba e
esfuerzonan cu ta wordo haci y ATIA ta aprecia esey. “Nos ta aplaudi con lihe e
atraconan ta wordo resolvi ultimamente”.Sinembargo, a remarca, ATIA ta sumamente

preocupa riba e tema aki pasobra ainda nan ta wak cu atraconan ta wordo haci y ta
wak den noticia con e atraconan ta sosode y cada atraco ta uno di mas.Cada bez ta wak
mas atraco riba nos turistanan y esaki ta toca na nos pilar economico mas importante.
E turista ta scoge Aruba como destinacion pasobra nos ta conoci como un destinacion

sigur, pero mas y mas por wak con e aspecto aki ta wordo toca, a bisa.Ta di vital
importancia pa frena esaki pasobra no solamente tin consecuencianan emocional pa
cada victima, pero tambe e tin consecuencianan grandi pa nos economia, e directora di
ATIA a señala.Banda di esaki el a haci un apelacion na tur e instancianan concerni, pero

tambe riba e ciudadanonan pa keda alerta y raporta na polis casonan sospechoso.
Ultimamente por a constata cu esaki ta resultado exitoso y cu casonan ta wordo resolvi
mas lihe.Aworaki kier wak si por organiza hunto cu KPA anochinan di informacion pa
comerciantenan unda nan lo por haya sa kico ta e maneranan pa evita algun di e

situacionnan aki. Presencia di seguridad na e companianan ta hopi importante, a
bisa.Mester wak ki otro alternativanan tin pa e comerciantenan y cual ta e manera cu
nan tambe por contribui den disminui e problematica aki, Michelle de Groot a duna di
conoce.