Page 21 - WEB

ORANJESTAD (AAN): Minister Otmar Oduber a duna di conoce cu ta tumando lugar
diferente accion. Na Moko tambe tabata tin un ‘stortplaats’ cu tabata wordo uza na un
forma ilegal.

A indica cu e accion cu tabata tin pa Palo Marga unda a conduci cu te hasta a kita e
tereno aki y dune bek na un otro grupo pa motibo di e tirenan y e actonan ilegal cu ta
tuma lugar eynan.

Mescos tabata tin otro lugarnan cu tabata wordo uza. Buraconan cu antes tabata wordo
coba pa santo y cu na cierto momento tabata tira desperdicionan eyden. Tur esaki a
wordo para. No ta e prome accion cu a tuma lugar na Barcadera.

Tin companianan cu tabata haci storting ilegal pa cual nan a wordo para y atendi ariba
dje. Tin procesverbal cu a wordo traha cu ta na Ministerio Publico na e momentonan
aki, Oduber a splica.

Pa hopi aña no tabata percura pa tin un maneho ariba tereno di medio ambiente, e
mandatario a subraya.

Aworaki cu ta bezig cu e ley di Serlimar, ta bin hopi na remarca un biaha mas un

articulo cu ta bisa con y kico mester haci na momento cu kier deposita sushi. Cu e ley
di Serlimar tin mas cuestionamento den e dianan aki ariba kico ta sushi y kico ta wordo
interpreta como sushi siendo cu den e ley aki ta hopi cla, e minister a señala.

Aworaki ta poniendo ordo caminda cu no ta permiti pa e cosnan aki tuma lugar mas. Ta
poniendo ordo y a laga sa cu tur e departamentonan concerni a reuni pasobra ta trata
di terenonan di gobierno y terenonan di APA, caminda cu na un forma totalmente ilegal
tin operacionnan ilegal ta tuma lugar na Barcadera cu ta trece peliger di higiena,

salubridad na e sitio pero den e becindario.

Pesey ta atendiendo cu e tipo di operacionnan ilegal aki, y no cu kier para e operacion
en si pero percura pa e operacion ta wordo haci na un manera responsabel y

respetando e derecho di e comunidad cu ta biba rond.