Page 9 - AWEMAINTA

Diamars, 2 April 2019 AWEMainta 9

Otro cooperacion exitoso entre

Escuela Internacional de

Cine y Television (EICTV)

Cuba y Rebecca Roos

DIABIERNA 29 di maart 2019 a clausura un tayer di docu-

mentario pa studiante di Drexel University (Philadelphia, USA)

na Havana Cuba. E curso ta organisa p’e famoso Skol di Cine
EICTV cu a invita Rebecca Roos pa duna e tayer aki, despues

di un exitoso colaboracion aña pasa durante e lunanan juni/juli.

Durante nan Spring Break e studiantenan di Drexel University

ta haya oportunidad pa bay Cuba pa y tuma un tayer di traha

documentario. Durante e dos siman di tayer e studiantenan a

cuminsa n’e Skol na San Antonio de los Baños cu les di teoria.

Despues ta muda pa Havana Vieja, unda nan ta scoge nan top-
ico p’e documantario y ta filma esaki den algun dia.

Cinco grupo di studiante a produci documentarionan varia to-

cante Arte, Cultura, Bida Moderno y e trato di anciano den e
ciudad cu e aña aki ta celebra 500 aña di existencia.

Cu un grupo di 16 studiante, e aña aki a mira e grupo mas

grandi cu a yega di bin for di Drexel.

EICTV ta un Skol famoso di Cine funda pa Gabriel Garcia Mar-

quez, Fernando Birri, Julio Garcia Espinosa y Fidel Castro na

1986, unda por siña tur aspecto di cine den un estudio regular

di tres aña. Banda di e cursonan regular EICTV tin un Departa-
mento di “Estudio Avansa” bou cual e tayernan internacional ta

cay, cu ta ofrece henter aña.