Page 55 - MIN ON

Minister Michelle Hooyboer ta contento cu e decision cu
huez a tuma den caso SMOA contra Gobierno

Tuesday, 06 December 2016 20:22
Comparti

Michelle Hooyboer-Winklaar, Minister di Enseñansa tabata tin un diferencia di opinion riba nombracion di un
rector pa Colegio Arubano. El a conta un tiki riba un decision cu a cay den corte, pasobra SMOA a demanda
Gobierno.

El a splica cu tabata tin un veredicto despues di un kortgeding cu a wordo entama contra Gobierno y a ta contento cu
e decision cu hues a tuma, es decir cu nan a rechasa e peticion di SMOA pa por forsa Gobierno pa duna un subsidio
pa cubri un rector pa Colegio Arubano.

E decision tabata a base di e hecho cu e peticion oficial no a cana su proceso adecuado y esey a pone cu hues a bisa cu
esaki a actua prematuro, como cu nan no a ricibi oficialmente e decision for di Gobierno pa e peticion pa por
subsidia e rector aki.

A spera e ora cu esaki lo continua, una bes e proceso eynan cana su caminda y cu nan ricibi e decision final for di
Gobierno. Segun Hooyboer-Winklaar, nan lo bolbe bek den corte, mirando e insistencia pasobra segun nan, ta e
unico rector cu por funciona na Colegio Arubano, cual pa e mandatario ta lamentabel cu ta pone enfasis, energia,
placa, den bringa esaki en bes di por sondea un rector cu si ta yega na tur e rekisitonan cu ambos, Gobierno y cu
Smoa ta haya adecuado y esey pa Gobierno e ta lamentabel. Keto bay Colegio Arubano ta sin un rector y ta kere cu
esaki, manera cu Hooyboer a menciona varios biaha, tin talento suficiente y amplio riba e isla mes y cu no mester
busca mas leu cu nos mesun propio candidatonan cu a aplica pa esaki. Loke tin di compronde ta mas cu 15 persona.
Si papia un record cu a yega e edad di 61. Tabata tin rector den pasado cu a wordo poni a base di pensioen, cu a yega
e edad di pensioen, cu tampoco no a continua cu a base di esaki. Kisas por a bay bek den sey bisa cu si no ta mantene
e maneho aki pa e scol, lo por a bay bek na un rector cu tabata funcionando perfecto den pasado. Atrobe tur esakinan
ta cosnan cu ta lamenta profundamente mirando cu e no ta actuando na bienestar di e scol mes y ta wak cu keto bay,
aunke e scol ta draai, pero e ta na su luga pa pone un rector cu ambos Gobierno cu ta e persona cu ta subsidia, e
forma cu ta subsidia y cu e scol ta haya ta yega na tur e rekisitonan, tur e base cu a wak cu ta necesario pa lidera e
scol. No solamente lidera status quo, pero sigur trece innovacion necesario na e scol mes, segun e minister. No tin un
bista di e lista di e candidatonan, pasobra cu no a wordo envolvi, aunke cu a pidi pa esey. A wordo simplemente
presenta cu e recibo. Esaki ta esun cu a scoge y por fabor pag’e. Atrobe ta bisa cu e mester yega por lo menos riba nos
leynan y maneho cu ta wordo hiba door di Gobierno y esaki no tabata e caso cu e candidato cu nan a propone.

E discrepancia tabata e edad y cu un local no a hay’e y no e salario.