Page 14 - UTILITIES FEB 1

Jacky van Putten , candidato Plataforma E Forsa Nobo
Deporte ta halto riba e concepto di plan di gobernacion di
POR

Tuesday, 31 January 2017 17:47
Comparti

September 22, 2017 Pueblo di Aruba ta haya e oportunidad un biaha mas pa deposita nan voto pa e
proximo gobernacion. Plataforma e Forsa Nobo, un partido hoben pero cu hopi experencia lo bay forma
parti pa prome biaha na e eleccion aki. Importante pa e Plataforma Forsa Nobo na unda dos
representante di pueblo a uni forsa Otmar y Andin, ta forma un lista di hendenan cu experencia y
capacidad pa tuma e encargo ora pueblo dune.

Deporte ta halto riba e concepto di plan di gobernacion di e Plataforma Forsa Nobo. Esaki ta e rason cu
nan a sondia e mundo Deportivo y a yega cerca Jacqueline van Putten. Jacky pa ultimo 34 aῇa a dedica
su bida na nos hubentud y na e deporte, locual ta haci di e dama aki uno cu un experiencia grandi y cu e
capacidad pa atende cu e tema aki. Personal Jacqueline van Putten Ponson, (Jacky) yiu di e
deportistanan , Rinolfa Wiersma, Dakotero y Roy van Putten di curazon di San Nicolaas ( Village) .
Rinolfa Wiersma tabata conoci den e mundo di softball como pitcher y catcher hungando den e team di
Playmonth. Roy, e pionero den deporte y prome Arubiano cu a bay studia educacion fysico cu un beca di
Lago na Spring Field College, na Merca. Den familia van Putten deporte tabata e television, Atari y
Betamax. Tur rumanan tabata envolvi den deporte, Jacky a participa den e.o. den Judo, natacion,
atletismo , volley ball y basketball. Estudio/trabou No ta sorpresa cu Jacky a dicidi pa dedica henter su
bida na deporte. Despues di a termina Abraham de Veer School, Jacky abviaha pa Hulanda na unda el a
termina su estudio di instructor di deporte na CIOS 1982. Jacky a regresa Aruba e mesun aῇa y a
cuminsa traha di biaha na IDEFRE como instructor di deporte na scolnan basico y secundario ,
Huishoudschool. Den ora di merdia Jacky a forma parti di instruccion den deporte den bario. Tambe e
clientenan di Favi, Scol Schucha Nos, Bibito Pin, Scol Duna un Man y Sjaburirruri a haya les di
movecion, deporte y landamento di Jacky. Den diferente ocasion Jacky a biaha como Chef di Mision e.o.
pa Juegos Deportivos Escolares Centro Americanos y del Caribe (Panama), na Central American Games
(Puerto Rico) y cu deporte escolar na islanan di Antiyas.

Na 1990 Jacky a traha riba un sportbeleid pa e detenidonan na K.I.A y tabata encarga cu programa
deportivo te cu 1995. Banda di duna les Jacky a duna diferente presentacion educativo pa varios sector
priva e.o ELMAR, WEB NV, AZV, Aruba Cruise Tourism. Comision Forma parti di Comision Hende
Muher den Deporte (Comite Olimpico Arubano) na unda e a atende diferente seminario pa hende muhe
riba diferente tereno den deporte.( E periodo di 2008 te cu 2011) Forma parti di e documantario riba
”Biba cu diabetis” na 2008 y na 2009 “sobre peso” cu a wordo presenta door di Wit Gele Kruis unda
Jacky tabata encarga cu e parti di movecion. Na 2011 Mary Joan Foundation cu ta un Breast Cancer
organization aki na Aruba a manda Jacky Corsow pa siqui un curso di movecion special pa guia hende
muher cu a haya cancer na pecho cu te cu dia di awe ta duna dos bes pa aῇa programa di 6 siman na e
grupo aki. Forma parti di Comision Premio Excelencia den Deporte. Forma parti di e Plataforma Cuido
pa hendenan di edad na unda a forma parti Sociale Zaken , OPPA, YMCA y Movecion ta Bida. Mirando su