Page 8 - JUS DEC 21 NEW FLIP

Lider di MAS Holmo

Henriquez kier ta cla y

raspa cu Minister di

Husticia

Published on December 21, 2016 in Politica
ORANJESTAD, Aruba

Lider di MAS Holmo Henriquez a yama un conferencia di prensa y a trata riba e topico di
Urirama. Nos a cuminsa cu e lucha di molina di biento na Urirama pa diferente motibonan y
preocupacionnan cu tin den comunidad. Nos a inicia cu e lucha aki ya cu e proyecto no ta un
proyecto cu ta sirbi e interes general di Aruba. Tampoco gobierno no por a demostra esaki cu e
proyecto lo sirbi pa e pueblo. Esaki ta un proyecto cu lo bay mantene nos costo di bida halto debi
cu lo e mantene e coriente halto segun Holmo Henriquez . Si acaso no tabatin e molinanan di
biento na vaderpiet awe nos awa y coriente lo tabata mucho mas abao di locual cu e ta na e
momentonan aki .

Cu e molinanan ta trece sostenibilidad ta un argumento insubstancia dor di gobierno pues e no ta
sirbi na un miho Aruba tampoco. Nos como partido MAS no ta contra di ningun energia
alternativo pero tur e pasonan mester wordo haci responsablemente cu e debido investigacionnan
prome. Lider di MAS ta kere cu e proyecto di Vaderpiet no a haci un analisis riba dje pa asina
garantisa e ora kico nan ponencia ta. Segun Holmo no tabatin un estudio haci riba medio
ambiente y e efectonan riba salud di hende aki na Aruba. Sinembargo esey a keda haci afo y mi
persona a presenta departamento di salubridad publico caminda cu un profesor a haci e
investigacion debido y e rapport aki a indica tur e risiconan y na unda cu a logra prohibi cu un
proyecto di molina di biento bin cerca di viviendanan na Hulanda.

Segun Holmo nos a hiba un lucha cu a culmina dia 27 di mei ultimo unda cu LAR a yama un
Hoorzitting despues cu a pasa basta tempo cu a bay den beroep dor di e tardansa cu a hiba. Nos a
presenta y a hiba nos argumento y mi persona a bay den representacion di mi mes un persona
personalmente y tambe a bay den presentacion vereneging salba Urirama y alabes tambe a bay
den representacion di un otro ciudadano. For di dia 2 di augustus 2016 LAR a manda su advies
pa minister Arthur Dowers.

Den e advies a informa minister Dowers cu gobierno a perde su caso contra mi persona y tambe
contra vereneging salba Urirama. Segun lider di MAS gobierno no por a substancia nan
argumento contra nos. Den e caso aki LAR a conseha minister mescos cu un hues a bisa den e