Page 51 - KPA
P. 51
Pa loke ta e mita rotonde na e crusada di Mahuma, eynan trafico biniendo for di Santa Martha (Santa Cruz) riba e
mita rotonde di Mahuma na e crusada di Mahuma, por bay man drechi so, pues direccion aeropuerto. Trafico
yegando for di aeropuerto lo no por bira na man robes riba e mita rotonde di Mahuma. Lo desvia trafico for di
Mahuma (banda pa zuid) for di banda di e brug na Parkietenbos, pa tur truck y bus via Cas Paloma, Simeon Antonio
y na haltura di Jo-anne Restaurant pa tur trafico via e caminda di santo cu ta sali na Simeon Antonio, conoci pa hopi
hende como Peppep. Trafico for di ex Drive-In si por bay man drechi y direccion aeropuerto riba e mita rotonde na
altura di e crusada di Mahuma.
Den caso di e automobilistanan cu subi rotonde di Seroe Thijshi, mester tene cuenta cu lo desvia trafico for di
aeropuerto net prome cu e rotonde for di e caminda nobo pa e caminda existente riba Hoofdverkeersweg y despues
di e rotonde lo sigui riba e caminda existente. Lo desvia trafico for di ex Drive-Inn net prome cu e rotonde for di e
caminda existente (Hoofdverkeersweg) pa e caminda nobo. Lo habri e caminda nobo cu ta conecta Barcadera cu
Seroe Thijshi, pa asina trafico por sigui move mas eficiente y lihe.
E departamento di planologia di Cuerpo Policial di Aruba ta spera cu automobilustanan y tur cu ta participa
activamente den trafico lo tene cuenta cu e cambionan aki, den cuadro di e trabaonan avansando riba e Green
Corridor. Si tin cualkier pregunta of ta rekeri mas splicacion, por yama e specialistanan den trafico na Polis
libremente.
Comentarionan (0)
http://www.24ora.com/index.php?option=com_content&view=article&id=118870:lo-tin-cambionan-
den-trafico-entre-crusada-di-ex-drive-inn-pa-crusada-di-mahuma&catid=1:local&Itemid=5
Auto a dal turista banda di highrise Hotel
Friday, 17 February 2017 18:28
Comparti
Den oranan di anochi un auto a dal un turista banda di High Rise Hotel. Polis a wordo informa pa bay pura. E prome
informe tabata cu e chauffeur kier bandona e sitio. Na yegada di Polis a topa cu e auto ainda. Polisnan a yega mesora.
A atende cu e situacion y mira e situacion di e victima. E victima no tabata grave.
El a splica Polis cu no tabata desea asistencia medico tampoco. Mirando esaki no a pidi presencia di ambulance. A
atende cu e declaracion solamente pa asina tin e caso registra di loke a sosode.
