Page 23 - ATA

Minister Benny Sevinger: Pa prome cu eleccion, Bushiri no lo
tey mas

Wednesday, 03 May 2017 19:41
Comparti

Un tema cu nos a combersa cu Minister Benny Sevinger ta Bushiri Hotel. E tin 16 aña para eynan cera, a
bira un ruina total. E mandatario a splica cu e tempo ey, tempo di Minister Briesen, cu no por a yega na
un acuerdo. Despues a bay den destaho pa purba di scapa esaki un biaha mas como hotel.

Tampoco no por a yega na un acuerdo. Algun luna pasa, prome minister a yama den conseho di minister
un reunion pa papia riba Bushiri y prome minister, hunto cu conseho di minister, a tuma e decision,
hunto cu Parlamento, cu Bushiri lo wordo basha abao y eynan lo bin un espacio publico. Lo bay crea mas
beach, mas ambiente pa nos localnan y esaki lo keda habri. No lo bin hotel mas eynan. For di e dia ey, di
parti di Infra, ta trahando riba e destaho. A haci un rapport riba e problematica di Asbest cu tin na
Bushiri. E rapport aki a keda cla. DOW ta hincando esaki den e bestek, pa e ora ey pa fin di luna tin e
destaho cu ta un destaho publico, pa mira ki compania ta bay gana pa basha Bushiri abao. Den seis
siman, despues cu publica esaki den corant, e trabao lo cuminsa. Ta calcula cu den un luna y mey pa dos
luna, bashamento di Bushiri lo ta realisa. Na e mesun momento ta trahando, di parti di Infra, hunto cu
un arkitecto, kico ta e desaroyo, con ta bay desaroya e area aki despues cu e hotel wordo basha abao,
deel’e in como un espacio publico y ta trahando tambe cu ATA, cu tambe ta mira e parti aki como un
beach publico, crea mas facilidad pa beach. ATA tambe ta parti di e team aki y ta kere e ora ey aki dos
luna, lo ta cla cu cuminsamento di e bashamento y lo ta cla tambe pa prepara pa loke ta bin eynan, como
espacio publico.

E ta bay ta algo bunita. E ta bay ta siguimento di e Linear Park y asina ey lo bay conserva un area basta
grandi, recupera bek pa nos hendenan por disfruta riba diadomingo of cualkier otro dia di siman den
famia y turistanan tambe lo bay haya e parti aki pa disfruta como beach y espacio publico cu tin mester di
dje asina hopi na Aruba. Inversion di FIFA Tin un otro minister cu tabata masha interesa pa un inversion
di FIFA pa un beach soccer field den e area net pabao di Bushiri. Minister Sevinger a splica cu nan ta
apoya e colega aki completamente pa partinan di facilidadnan di deporte. Unico cos awo cu tin cu wak cu
si ta hacie algo permanente of ta haci’e na momento cu tin actividad y ta sinti mas pa e parti ey na
momento cu tin actividad ta arma un stadion, ta haci e actividad, ta desarme bek despues. E area ey
despues por wordo haci pa otro tipo di deporte, otro tipo di recreacion. Ainda ta bezig ta wak esey. E
colega tambe ta wak tambe e parti di factibilidad y lo bin bek riba esaki. Den e plannan cu tin, a tene
cuenta cu tur esakinan na e sitio eynan, tanto deporte como cultura, como otro eventonan cu por tuma
luga den e area eynan. En todo caso, hotel no lo bin mas eynan, sino e lo bira un espacio publico. Prome
cu eleccion, ya Bushiri no lo tey mas, segun Minister Benny Sevinger.

http://www.24ora.com/index.php?option=com_content&view=article&id=121426:minister-benny-
sevinger-pa-prome-cu-eleccion-bushiri-no-lo-tey-mas&catid=12:politica&Itemid=18