Page 51 - ATA

haci control. Ken por sigura cu e persona ey cu a yega cu e barco ey no ta sali
baha for di e barco ey, ken ta bisa cu e no ta trece un arma of algo ilicito of e
persona mes? Esaki, segun Sra. Velasquez ta preocupante. Esaki a wordo treci

na atencion di Minister Bermudez, den presupuesto di Finanza. Y un comision a
wordo instala pa traha ariba e punto di preocupacion.

Segun Sra. Velasquez, eynan ta papia di gara toro na su cachonan. Na
aeropuerto mester ta mas huicioso, pa e turista ey, cu por ta un atracado. Na

aeropuerto mester tin mas hendenan profesional di Inteligencia, cu por detecta
esakinan. No e trahado di Imigracion cu ta toets in e informacion den Radex.

Loke mester ta hendenan cu por detecta e atracado bisti na turista.
E situacion di atraco, ta trece hopi dolor y hopi insiguridad. Pero ta di remarca,
cu media ta haci sensacion. Y esaki ta causa daño na pais Aruba, na nivel

internacional. No mester causa panico unda cu no tin. Ya tin cierto media cu a
bisa cu Aruba tabata tin 24 atraco den Januari, mientras cu tabata 14, cual ya

caba ta alarmante. Pero no haci sensacion cu e informacionnan, ya cu ta mustra
cu Aruba no ta un isla sigur y turistanan lo no bin mas. Y Aruba ta biba di

turismo, esey ta genera e entrada pa pais Aruba.
Parlamentario, Sra. Clarisca Velasquez a sali critico ariba su minister. El a saca

un comunicado di prensa pa medionan, prome cu e dialuna a yega manda un
mensahe pa e Minister y esaki a yega. Despues e minister lo sinta hunto cu Sra.
Velasquez pa asina trece tur e puntonan di fraccion unda ta preocupa, y tur e

puntonan di e leynan cu mester wordo cambia pa polis por haci su trabao miho,
pa preveni y combati e atraconan.