Page 33 - AWEMAINTA

AWEMainta Diaranson, 21 December 2016 33

Shahai Take Away & Grill a celebra su 35 aniversario!

DIAHUEBS, 15 di december, Shahai Take
Away & Grill a celebra cu riba e fecha
aki, nan a habri nan porta den 1980. Mas sigur
bo lo a ripara cu esaki ta 36 aña pasa, pero
Shahai a opta pa celebra nan 35 aniversario.
Shahai a wordo funda pa sr. Haime Dabian y
sra. Yvonne Lee. Especialmente pa nan clien-
tenan fiel y e bario di Santa Cruz cu nan ta
aprecia masha, Shahai a organisa un evento
grandi pa celebra esaki.

E celebracion tabata un exito rotundo. Un
gran cantidad di hende a pasa na Shahai pa
brinda e gran dia aki. Tabatin hopi ambiente
danki na entretenimento den bibo di Hon-
eypot, Z Band y Dj Alvin. Sin lubida snacks
sabroso y naturalmente e platonan crioyo y
delicioso cu semper Shahai ta ofrece. Tambe
tabatin bebidanan na prijs di happy hour.

Shahai Take Away & Grill kier a gradici un y
tur cu tabata presente pa celebra cu nan.
Un palabra di gradicimento tambe ta bai pa
nan sponsornan: COMPRA LTD., Romar
Trading, Croleco Snacks, Mercal Trading y
Ferm Caribbean Trading! Shahai ta suma-
mento agradecido cu nan contribucion!

Shahai Take Away & Grill ta un take out
restaurant den e bario di Maquarima, Santa
Cruz, hopi bon conoci pa nos Arubianonan
pa nan cuminda local y nan grill.

Pa mas informacion bishita nan pagina di
Facebook: Shahai Take away & Grill.