Page 32 - ATA

Rampenbureau ta cla wardando temporada di horcan
cuminsa

Tuesday, 02 May 2017 20:00
Comparti

Nos ta drentando un temporada cu semper wowonan ta habri, esta e temporada di horcan.
Rino Hermans ta waarnemend hoofd Rampenbureau

, ta splica con prepara e intancia ta, ki di nobo tin pa alerta. Cosnan cu tin cu tene cuenta cun'e y pueblo tambe
kier sa.

Hermans a splica cu ta drentando e temporada di horcan un biaha mas, dia 1 di Juni. Esey ta
nifica cu den e luna cu ta drentando di Mei, Rampenbureau ta bay tin un encuentro cu tur e
dienstnan cu ta forma parti di e structura di Rampenbestrijding na Aruba y eynan ta haya sa
tambe con bon prepara ta, apesar cu aña aden y aña afo, tin trainingnan ta tuma luga, plannan
cu ta wordo revisa. Kiermen pa e banda ey, ta un tiki trankil, cu e dienstnan cu tin cu responde
si mala suerte toca nos cu mester haya un sistema na Aruba, cu nan por responde y duna e
pueblo su ayudo necesario na e momentonan tiki dificil, si haya un sistema cu hit Aruba.

Hunto pa e aña aki, despues di e training di tsunami, dia 21 di Maart, caminda cu a constata cu
e sistema di alerta e pueblo no a funciona na e deseonan cu kier a wak, a pone cu
Rampenbureau a bay haci su huiswerk y cu pa e temporada di horcan, lo bay tin un app pa e
smartphonenan y e sistema di alerta pueblo atrabes di email, e Aruba Alert, cu a confronta un
paar di contratiempo cu e server, pero e ITnan ta trahando riba dje pa prome cu dia 1 di Juni,
por ta up and running un biaha mas cu e sistema di alerta pueblo.

Cua departamentonan ta envolvi

Hermans a splica cu na Aruba nan ta combati un calamidad cu un procedura cu ta wordo yama
grip y den esey tin cuater departamento cu ta e hoofdprocess verantwoordelijk, cualnan ta
brandweer, polis, Salubridad publico y Asuntonan social. Hunto cu nan tin otro cuater
departamento, cu ta asisti nan, cu ta DOW, Directie Luchtvaart, WEB y Aruba Tourism
Authority. Full e team cu ta bay responde den un caso asina, ta 32 dienst den nan structura.
Manera cu ta poni den plannan di horcaanbestrijdingsplan di Aruba. Cu tur e dienstnan aki ta
bay sinta prome cu 1 di Juni. Despues di esey Rampenbureau ta bay den e fase di acerca e
scolnan, vooral e barionan cu ta bay bao di awa. Ya pa e ultimo 7 añanan, nan ta bishita e
scolnan pa asina concientisa e alumnonan, kico nan tin cu prepara den caso cu haya un bon