Page 3 - Djabierne 5 oktober 2018.pdf

Djabièrnè 5 òktober 2018 3
Segun presidente di
sindikato Horecaf
Kenneth Valpoort

Curator a

konfirmá

pèrdida

di sèn na

Veneto

Tin investigashon
tumando lugá
WILLEMSTAD.-
Relashoná ku e artíkulo ku
EXTRA a publiká djárason
último indikando ku un
suma kuantioso a pèrdè for
di e un kaha fuerte den e
kasino, e curator enkargá a
konfirmá e informashon.
En bèrdat un suma di
sigur Fl.100.000 lo mester
a disparsé di un forma
misterioso.
Segun presidente di
sindikato Horecaf Kenneth
Valpoort, na momentu ku
nan a pone e curator na
altura mesora a inisiá un
investigashon.
Valpoort a indiká ku e
investigashonnan a mustra
klaramente ku un persona
a saka e Fl.100.000 i duna
un polítiko e montante aki.
Ku ki motibu? Niun hende
no sa.
I ta entre otro hustamente
ta den investigashon.
Tambe ta investigando si
di bèrdat un di e sosionan
di fam Z, lo ta esun
responsabel pa a saka e
montante for di kaha fuerte
i entregá esaki na e polítiko.
E notisia aki sigur a kai
den masha mal tera serka
e eks trahadónan mirando
ku ta basta luna nan a
sufri i roga pa nan plaka
ku nunka mas a subi mesa
i di Otrobanda a regalá Fl.
100.000.
Si resultá ku en bèrdat
e sèn a keda “hòrtá” sin
ningun motibu válido,
persona(nan) lo por bai kai
será.