Page 55 - Djabierne 5 oktober 2018.pdf
P. 55
Djabièrnè 5 òktober 2018 55
St. Margarethaschool ku shou
di kachó i di kabai Paso Fino
WILLEMSTAD. - Tur aña riba ‘Dia di Bestia’ St.
Margarethaschool ta hasi algu spesial ku e alumnonan
den kuadro di konsientisashon relashoná ku ‘Dia di
Bestia’. Tabatin shou di kachó adiestrá di K-9 loke
ku a fasiná e alumnonan masha hopi mes. E loke ku
impreshoná e muchanan mes tabata ora ku un alumno
di e skol mes a duna un shou riba kabai. Ta trata di e
alumno Saellys Ignacio ku djadumingu tras di lomba
a sali e mihó ‘Jinete’ den e kategoria di 6 - 8 aña. Den
e kuadro aki skol a duna un homenahe na e alumno
talentoso aki i e alumno a duna un shou kon ta pone un
kabai di Paso Fino kana den ritmo. E ‘Jinete’ ta sòru pa
e kabai kana ku paso korto i rítmiko.
