Page 40 - KPA 4 MAY 2017

Scol di polis lo bira Academia pa Husticia y Siguridad

Wednesday, 03 May 2017 19:37
Comparti

Pa varios aña caba kier a expande nan pakete di educacion cu ta wordo duna na scol di polis. Segun
Jeanette Richardson-Baarhs, semper tin educacion di polis, pero door cu tin un producto bon y di
calidad, a ripara cu otro entidadnan, manera KIA, manera Imigracion, Kustwacht, tambe kier tuma les
eynan.

Esey ta nifica cu Scol pa Polis, no ta fit tur e educacion mas cu ta haciendo. A sinta pensa den kico por
bira tambe den e sentido cu kier mira mas grandi den futuro. Mester tin mas luga pa duna les. E ora a
dicidi riba e nomber Academia pa Husticia y Siguridad. Dicon? Bao di husticia, tur departamento cu a
duna les caba, ta bay cay y nan por uza nan facilidadnan pa nan mesun training, pero pa duna nan cierto
trainingnan y siguridad, ta un parti cu ta bira nobo. Na Aruba no tin ningun sorto di diploma pa esnan cu
ta traha den e security team. Kier pone e lijm pa esey tambe, caminda cu por haci e basisopleiding y
tambe un tiki mas leu, cu hende cu ta tumabo den servicio, si bo tin e certificado eynan, nan sa cu bo tin
un bon basistraining. Esey tambe ta bira parti di e scol. Si mira scol pa polis, of politie academy no ta fit
mas. Pesey el a cambia pa Academia pa Husticia y Siguridad. Mesun logo Awor aki ta uzando e logo nobo
tiki tiki caba. No ta facil pa haci e cambio rapidamente. Tin e logo riba nan tshirt awor aki di e
docentenan. E ta tambe riba nan pagina di facebook, pero e ta wordo lansa den algun luna mas. Tur cos
mes mester wordo prepara pa cambi’e. Ta un bunita logo y a wordo traha door di Eddy Ras di scol mes. E
tin tur elemento di educacion, di conocemento, di proteccion den dje.

E ta un shoco di Aruba den dje, cu su halanan di proteccion y ora cu wak’e, sigur e lo wordo bon gusta.
Opleiding E basisopleiding mientras tanto ta wordo duna door di hendenan cu tin hopi aña riba caya.
Casi tur tin rango di Hoofdagent eerste klas of onderinspector. Banda di esey, nan mester bay IPA pa
haya potestad pa duna les riba MBO niveau. Esnan cu ta traha na scol tur ta bevoegd. Banda di esey, pa
opleidingnan special, voortgezet opleiding, ta uza hende di afo. Tambe ta hende cu tin nan papelnan, nan
conocemento riba e tereno cu nan ta duna les. Contento cu e desaroyo Como directora di e scol di polis,
Richardson-Baarhs a splica cu den pasado a duna opleiding di polis y ta kere den e producto cu ta di
calidad halto. Ta hopi bon pa otro entidadnan manera un KIA, manera un CEA, manera Kustwacht
tambe ta wak esey, cu ta bisa cu e calidad di opleiding y nivel di opleiding nan tambe por uza. E sistema
ta modula. Esey ta nifica cu tur opleiding cu abo kier den cierto modules, por stel e samen pa boso. Esey
ta nifica cu ta bastante flexibel. E nivel ta keda mesun cos, pero no ta pone un strafrecht den un opleiding
pa CEA of algo otro. E ora por kit’e, pone un otro cos den dje. Door di esey, ta haya hopi peticion pa
opleiding basico of voortgezet opleiding cu den futuro cu tur hende cu tin cu haci nan voortgezet
opleiding riba e management niveau, por haci’e eynan. Tin cos den dje cu ta politie specifiek, pero e por
wordo cambia. E nivel di management por keda mesun cos. Door di e sistema ey, tur cos ta posibel. No
tin un pregunta cu no por haci te ainda.
http://www.24ora.com/index.php?option=com_content&view=article&id=121424:scol-di-polis-lo-bira-
academia-pa-husticia-y-siguridad&catid=6:policial&Itemid=8