Page 45 - Djabierne 9 november 2018.pdf

Djabièrnè 9 Novèmber 2018 47
“Laman” den Bocaweg
Kontratistanan ta kibra pipa di awa i bai laga esaki atras

WILLEMSTAD.-
Abitantenan di Bocaweg
ta man na kabes.
Esaki despues ku den
oranan di ayera den
dia, kontratistanan ku
aktualmente ta atendiendo
ku drechamentu di e
kaminda lo mester a kibra
un pipa di awa.
Despues di esaki nan a
sigui traha pero despues a
bandoná e sitio.
Tiki tiki e preshon di e
awa a bira muchu mas i
a yena e kaya kompletu
na awa. Te ku ayera nochi
lat ainda Aqualectra no a
pasa pa atendé ku e pipa
miéntras ku ainda esaki
tabata spùit bai basta
haltu.
E abitantenan tabata
puntra nan mes ken lo
mester para responsabel
pa e daño aki i ke efekto e
lo tin pa nan ku ta biba den
e kaya.

Punda Vibes kompleto den ambiente di Pasku

WILLEMSTAD.- Ya e palu di Pasku a bai laira, e ta dòrna, i e ambiente di fin di aña ta kompleto. Punda Vibes ayera a haña basta bishitante. Ya tin
algun lus di koló a sende pa duna un ambiente di fiesta, e ambiente di fin di aña. Tambe tabatin ayera aguinaldo ku a hala un grupo grandi pa
presensiá e kantikanan di fin di aña.