Page 107 - MIN VOS - ALEX SCHWENGLE

Memoria mas skerpi. E mesun endorphin cu ta laga bo sinti bon ta yuda bo
concentra mihor y ta mentalmente mas enfoca. Ademas actividad fisico ta
stimula e cresemento di celnan di celebro nobo y ta yuda preveni e

envehecimento di celnan di celebro.
Mas stimacion propio. Actividad fisico regular ta un invercion den bo mente,

curpa y spirito. Ora e bira un habito, actividad fisico por mehora bo sentimento
di balor propio y bo por sinti mas fuerte y sigur di bo mes. Bo ta sinti mihor

tocante bo apariencia y dor di logra metanan chikito di actividad fisico esey ta
duna un sensacion di logro.

Drumi mihor. Hasta algun minuut di actividad fisico mainta of atardi por yuda
regula bo patronchi di soño. Si bo ta prefera haci actividad fisico anochi, ta
mihor scohe pa actividadnan relahante manera yoga of ‘stretching’ suave cu por

yuda promove soño.
Mas energia. Dor di eleva e ritmo di curason algun biaha pa siman bo ta haya

mas energia. Cuminsa cu algun minuut di actividad fisico pa dia. Mas actividad
fisico bo haci mas energia bo ta haya asina bo por keda agrega minuut te ora

bo yega por lo menos 30.
Mihor resiliacion. Na momento cu bo ta wordo confronta cu un problema mental

of emocional den bida, actividad fisico por yuda bo ‘deal’ cu ne na un manera
saludabel. Esaki por evita un escohencia pa un comportacion negativo manera
por ehempel abuso di alcohol, droga of cuminda.

Con pa haya e beneficionan aki?

E ta mas facil cu bo ta kere: 30 minuut di actividad fisico modera cinco biaha pa
siman ta locual bo mester.

30 minuut ta mucho hopi pabo? Parti’e den 2 biaha 15 minuut of hasta den 3
biaha 10 minuut. Un tiki actividad fisico ta mihor cu nada. Si bo tin tempo pa

solamente 5 minuut cada biaha tambe ta bon. Mas actividad fisico bo haci mas
energia bo ta haya y mas bo lo kier haci.
Bo no tin tempo pa haci actividad fisico den siman? Probecha e weekend of

cualkier tempo liber pa dedica atencion na bo curpa y bo salud. Algun ehempel
ta: para e auto mas leu, traha den cura, cana pa 10 minuut. No laga un

schedule druk di trabou, cas of school ta un obstaculo. Move na cualkier