Page 13 - MIN VOS - ALEX SCHWENGLE

Minister “Alex”

Schwengle hopi

orguyoso cu a scoge

Aruba pa ta anfitrion di

congreso di CONCACAF

Published on April 6, 2017 in Politica
ORANJESTAD, Aruba

A yega un delegacion grandi di CONCACAF pa motibo cu aki na Aruba pa prome biaha
lo tuma luga e conferencia di CONCACAF. “Nos ta asina orguyoso y bon trabou di e
Presidente di AVB, esta Richard Dijkhoff. Esaki no a cay for di shelo. Esaki tin di haber
cu cada bes AVB ta bira mas transparente, nan ta traha duro riba nan situacion
financiero. Nan ta duna bon relato financiero, tambe miho maneho”, Minister di Salud
Publico, Cuido di nos Grandinan y Deporte, dr. Carlos “Alex” Schwengle a
remarca. AVB tin un vision con nan ta bay drecha futbol aki na Aruba. Nan no ta haci
esey nan so, pero nan ta haci esaki conhuntamente cu FIFA, CONCACAF y KNVB di
Hulanda. CONCACAF tin respet suficiente y nan ta mira e trabou cu ta haciendo ta bon,
di cual nan a dicidi di tene e conferencia na Aruba.

“Mi ta sinti hopi honra cu nan a scoge Aruba como e pais pa haci e conferencia. Un
total di 41 pais participante na un conferencia hopi importante mundial over di futbol.
Nos ta kere cu e lo bay agrega no solamente na e imagen di Aruba, pero tambe duna
un boost na mundo deportivo di futbol aki na Aruba. Un palabra di pabien na Arubaanse
Voetbal Bond hunto cu su Presidente Richard Dijkhoff cu ta haciendo un bon trabou”,
asina Minister Schwengle a remarca. Minister Schwengle ta hopi orguyoso di nan y ta
spera cu esaki ta un empuhe tambe pa otro federacionnan tambe pa kisas nos por
traha na mesun nivel y pusha deporte di e nivel ey pa yega na e nivel aki. Pasobra lo
bay tin diferente sorto di conferencianan internacional di deporte den diferente
federacion aki na Aruba.

Presidente di Arubaanse Voetbal Bond, Ing. Richard Dijkhoff, ta haya cu ta un honor pa
por tin e congreso aki na Aruba. Arubaanse Voetbal Bond ta trahando basta duro riba
esaki pa por a bin cun’e. “No ta algo cu a bin di mes. E ta basa riba e reconocimento cu
nos a haya como federacion di e trabounan cu nos ta haciendo na Aruba, pero reconoci
door di CONCACAF y den e caso aki tambe door di FIFA, esaki lo bay ta e prome