Page 135 - MIN VOS - ALEX SCHWENGLE

ballroom di Aruba Marriot Hotel and Stellaris Casino completamente yen e miho
atletanan infantil y hubenil a ricibi nan bunita premio.

Mester bisa cu den e categorianan infantil te cu 13 aña y hubenil 14 – 18 aña e
competencia sin duda tabata fuertisimo. Cada un di e atletanan nomina den e

categorianan menciona a presta den gran forma y merece di e representa nan
federacion dignamente e anochi aki. Pa e hurado cu tabata tin e tarea dificil pa

eligi e ganadornan e trabou sigur no tabata nada facil. Na final ta un ganadora
of ganador so por a bay cas cu e premio maximo.

Como e deportista infantil femenino te cu 13 aña a resulta e tri-atleta Rebecca
Jansen di e federacion di Aruba Triathlon Association mientras como e

deportista infantil masculino te cu 13 aña esaki a bay pa Ching Ho Chung di e
federacion di tenis di mesa. Esaki tabata e prome premio conkista den Premio

Excelencia den Deporte pa tanto Aruba Triathlon Association y Aruba Table
Tennis Association den e categoria infantil desde su existencia.

Pa loke ta e categoria hubenil, e premio maximo como e deportista hubenil

femenino 14 te cu 18 aña a bay pa e taekwondista Chiara Petrocchi di Aruba
Taekwondo Asspociation mientras como e deportista hubenil masculino 14 te cu
18 aña e premio maximo a bay pa e landador Patrick Groters di Arubaanse

Zwembond. Ambos atleta a destaca den forma unico den nan respectivo
deporte tanto na Aruba como na nivel internacional.

Sigur un palabra di pabien na tur e nominadonan den e categorianan infantil te

cu 13 aña y hubenil 14 – 18 aña sin laga afor na e ganadornan maximo esta
Rebecca Jansen, Chingho Chung, Chiara Petrocchi y Patrick Groters.