Page 7 - MIN VOS - ALEX SCHWENGLE

necesariamente por ta fuerte ni tampoco e huma, pero e holo so ta un menasa pa salud
publico.

Na momento cu un ser humano ta hala aire cu ta contamina esaki por causa malesa di
pulmon , entre otro COPD aunke cu humamento di cigaria ta e principal causa di
COPD, pero tambe tin otro factornan cu por causa e malesa aki cu na Aruba AZV no ta
dunando speransa na e pashentnan pa biba mas largo. Actualmente tin mas cu 44
persona cu e malesa di COPD cu ta keda causa dor di humamento secundario;
polucion di aire; stof of vapor na pia di trabou; exposicion na biomass (kimamento di
palo), ta aspectonan cu por conduci na COPD. Un problema genetico no comun yama
“α 1 – Antitrypsin Deficiency” tin biaha ta wordo asocia cu COPD tambe.

Mirando esaki mi ta puntra mi mes si Gobierno di Aruba tin e situacion cu nos pueblo ta
biba aden na pecho. Gobierno no ta percura pa Aruba tin un aire cu ta adecua pa cada
un di nos por hala rosea limpi y alabes tampoco ta duna e posibilidad di haya
tratamento pa por biba mas largo, na momento cu e malesa cu e ciudadano a haya ta
causa dor di e mes un aire contamina cu Gobierno no ta percura pa tin un structura y
ley pa actua na dje. Partido POR di plataforma e forsa nobo tin e situacion aki na
pecho y lo atende cu e situacion aki hopi na serio, paso cada ciudadno aki na Aruba ta
importante pa nos den partido POR.