Page 95 - MIN VOS - ALEX SCHWENGLE

Brazil Taekwondo Stichting su team ta cla pa e di 9 Ultimate
Taekwondo Cup

Wednesday, 05 April 2017 17:13
Comparti

Brazil Taekwondo Stichting su team ta cla pa e di 9 Ultimate Taekwondo Cup, pero cu un team mas
chikito cu nos no a antecipa cu ta train pa e copa aki.

Aña pasa Brazil Taekwondo Stichting a gana e copa y ta cla pa enfrenta e otro scolnan di Taekwondo cu
tin e mesun meta. Pa no tin duda ya caba e team cu ta bay bringa pa e copa ta conoci caba y nan tin e
meta pa bringa pa nan team di "Train Hard Fight Smart” Stichting Tiger Taekwondo Academy ta e prome
scol cu a inscribi cu un total di 17 atleta cu kier midi forsa. Noord Taekwondo Center a manda nan lista
cu nan 5 mihor atletanan cu kier bringa pa e copa tambe. Diahuebs awor lo haña sa cuanto scol lo
registra pa e di 9 Ultimate Taekwondo Cup. Un cos ta sigur cu esnan cu sali best fighter tin nan lugar
sigura caba pa Best of the Best na luna di November y nan lo haña e oportunidad pa bringa contra e
paisnan internacional.

Arthy Lie di Surinam a laga sa caba cu Aruba mester prepara bon pa nan team di "Train Hard Win Easy”
E team di Brazil Taekwondo Stichting cu lo bay bringa pa e copa ta consisti di e siguiente atletanan:
Elijah Mackay. Lixjandra Bello. Joshua Klabér. Nathan Fradl. Jourdé Klabér. Mealynn Fradl. Mylon van
der Biezen. Cu e team dinamico aki di Train Hard Fight Smart Aaron Jacobs lo bay coach nan tur,
specialmente pa e copa di Best Team.