Page 69 - MIN JUS

tambe stakeholdernan, como tambe den comunidad. Sigur e ta un confirmacion
cu ATA a uni forsa cu Sr. Rasmijn, pero tambe e ekipo tras di e iniciativa, tabata
un decision hopi importante, un decision cu sigur lo duna su fruto cu ta bunita

pa mira tambe.

Ta importante proteccion di nos medio ambiente y recursonan natural, ta

importante pa nos populacion, pero ta mas importante pa e populacion mas
grandi di Aruba, cual ta e turistanan. Nan no ta biba akinan, pero esey ta

ekivalente na “footprints” cu ta keda atras.
Pa ATA ta importante pa hunga nan papel den asisti, na informa comunidad y
bin cu diferente iniciativa pa informa comunidad ariba e peliger di saconan di

plastic. Pero ta importante tambe pa informa e bishitantenan, personanan cu ta
scoge pa pasa algun tempo na Aruba. Esaki ta e populacion mas grandi na

Aruba na final di dia, Sra. Croes a bisa.

Pa diferente motibo, esaki ta importante. Pa nan sa cu Aruba ta activamente

envolvi y activamente canando trayectonan asina aki, pero importante tambe
pa nan respeta nos reglanan y nos leynan. Dus, ta importante pa nan ta
informa di tipo di decision y leynan asina aki. Y ATA ta haci esaki na diferente

manera. Y acaba nan a cuminsa na desemina e informacion aki, cu Aruba ta e
prome pais den Caribe cu ta bin cu ley di prohibicion di uzo di saconan di plastic

completo. Esey caba ta un mensahe hopi poderoso ariba su mes.

ATA ta haci uzo di mensahenan di e tiponan aki, pa asina posiciona Aruba y pa

informa bishitantenan of tambe esunnan cu ta interesa den bishita. ATA lo ta
introduciendo tasnan reusabel, cu lo wordo reparti bou di nos bishitantenan,
tanto esunnan cu ta yega cu avion y esunnan cu ta yega cu barco crucero.

Conhuntamente cu AHATA, ta uni forsa pa haci posibel pa e bishitantenan tin e