Page 12 - KPA

Accidente cu 3 auto envolvi y cu hende

herida na e cruzada banda di Wema Ponton

16 HORA PASA , 2 DI DECEMBER 2016 08:15
SECCION: INCIDENTE

Diabierna mainta a drenta informe di un accidente cu hende herida na Wema Ponton, mesora a
dirigi tanto polis como ambulans na e sitio. Na yegada di e patruya a bin compronde cu aki ta
trata di un accidente unda e dama chofer di e auto blanco tabata bini di pariba y no a para ni

duna preferencia na e auto cora cu tabata bini di nort y nan dos a dal den otro y e auto blanco a
desvia bay dal un otro auto staciona. E impacto tabata fuerte y den ambos auto tabata tin
hende cu a resulta herida. Na yegada di e ambulans nan a atende e dama chofer di e auto
blanco y hibe hospital mientras esnan den e auto cora a keda di bay check cu nan dokter di
cas.