Page 64 - MIN VOS
P. 64
nos propio atleta y entrenadornan. E conocimento ta uno grandi y lo benificia
nos entrenador y atletanan den nan desaroyo y mas cu claro purba na hisa e
nivel di e deporte di ahedres. Den e ultimo anjanan, nos atletanan di ahedrez a
sa na competi den varios torneonan di taya den nos region y continente, esaki
den tur edad. Es mas nos ahedristanan a hasta competi den dos evento mundial
di ahedres unda nan a luci mei mei di paisnan mucho mas grandi cu nos. E
deporte di ahedres ta uno mental y di maximo concentracion. E ta conoci pa un
bon desaroyo di pensamento, mehoracion di memoria y resolve obstaculonan
sin lubida e desaroyo di planificacion y prevision. Den e ultimo añanan mas y
mas mucha a cuminsa practica e deporte di ahedres esaki na nivel competitivo
y recientemente Aruba a conta cu un club di ahedres mas den Club di Ahedrez
Caquetio
Un danki sigur na Lotto, e Loteria di Aruba pa medio di Comision di Subsidio cu
a percura pa e entrenador IM sr. Jose Sequera bini Aruba y yuda engrandese e
deporte di ahedres.
Cumprando weganan di Lotto, e Loteria di Aruba bo ta contribui na deporte riba
nos isla. Meta di e fundacion ta pa organisa loteria, cambia bida di su
hungadonan y na mes momento inverti den deporte local pa medio di
donacionnan na e comision di subsidio.
