Page 34 - ATA

Minister cu a haci un apleacion y esaki, segun Sr. de Cuba, ta un carta cu a bay
pa tur NV di gobierno, pa bezuinig. Pero, Sr. de Cuba ta di pensamento cu e
director di ATA mester a bisa e minister, cu nan tin comprension pa e carta,
pero cu nan ta den aña di negociacion di contrato colectivo.

Sindicato STA a ripara cu nan no a presupuesta placa pa e contrato colectivo aki
despues di varios intento pa yega na otro, nan a acerca mediador di gobierno y
mediador a acudi, pa cual ta na mesa cu mediador. Y mediador su contra
proposicion ta mas abou y ni asina ATA no kier acepta.

Pa STA esaki ta di mala fe, ya cu si wak cuanto placa ATA ta genera, nan
mester por tin algo pa su propio trahadonan, ya cu nan no a presupuesta placa
pa e CAO. Esaki ta un berguensa hopi grandi e cos aki ta. Y esaki ta loke STA no
ta soporta mas. Y mirando e hecho cu mediador ta na mesa, lo purba di haya
otro, aunke ta mir’e scur. Lo manda un carta pa gerencia di ATA unda cu lo
exigi e placa cu a worod presupuesta pa cu e contrato colectivo aki, pa un
duracion di 3 aña. STA kier scucha y kier sa for di gerencia di ATA, kico ta e
cantidad di placa cu nan a presupuesta pa e CAO aki, si ta 1, of 2 of 3 miyon,
reparti den 3 aña.

STA no tin tempo pa keda draain rond, nan ta yega na mesa pa negocia cos
serio. Ta e trahadonan ta esunnan cu ta pusha ATA dia aden, dia afo. Ta mustra
malo pa cualkier entidad di gobierno, ta trahadonan desanima y desilusiona. E
cosnan ey ta haci cu e bon trahado no ta keda productivo pa e entidad. Esaki ta
locual cu STA ta lamenta masha hopi.

Den ATA tin un grupo chikito cu ta come un hap basta grandi, e salarionan hopi
halto Tin hendenan cu ta biaha pa loco y STA kier mira cambio den esaki. Sr. de
Cuba mes a acerca minister Dangui Oduber y nan lo manda un carta tambe pa
minister pa solicita un reunion den e caso aki, un reunion tripartie, unda
gerencia di ATA hunto cu sindicato y e delegado di STA y su abogado hunto cu
minister, si nan no logra sali for die impasse cu mediador di gobierno.

Esaki ta e di tres CAO cu ta negociando pa trahadonan di ATA y ta di lamenta e
situacion aki, pasobra cu e ta frustrante, ya cu mei a caba y a drenta juni, y
mita aña a bay tambe.

Pa esaki e carta lo bay pa ATA y tambe STA lo compila un protocol, caminda cu
ambos partido, den presencia di mediador lo tin cu firm’e, cu si e sitaucion sigui
asina, e ta bay ta fastioso. E ora lo mester hay atur loke nan mester haya cu
forsa retroactivo pa cual ta necesario pa un protocol pa evita cu ora yega na
final di e careda, na october of november, nan ta dicidi cu awo nan ta bay paga.