Page 60 - ATA

Tri-Atleta Giannon Eights A Sali Pa Santa Marta

Triathlon Na Colombia

 Deporte
- 04/06/2019

E hoben prospecto Giannon Eights a biaha pa Santa Martha, Colombia unda e weekend
benidero e lo competi den e categoria Junior den e Santa Matha Triathlon 2019.

Hunto cu Eights a biaha coach Nicolaas Roberts. Algun siman atras Giannon Eights ta
logra un 1st place overall den e Caribbean Championship Triathlon na Miami, Florida,
mientras net prome cu e competencia ey Giannon ta logra gana e competencia overall y
bira campeon di e Sprint Triathlon Nacional di Aruba.

E hoben Eights sigur ta un di e atletanan mas prominente den e ultimo añanan na Aruba.
Pa su gran labor den 2018, Giannon a wordo escogi den e categoria 14 – 18 como Aruba
su Atleta di Aña den Premio Excelencia den Deporte.

Giannon a participa tambe aña pasa den e Weganan Olimpico Hubenil na Buenos Aires,
Argentina.

Stichting Sportsubsidie Aruba ta contento di por aporta y brinda e ayudo n’e Federacion
di ATA, p’asina e hoben prospecto di triathlon Giannon Eights por competi den e Santa
Martha Triathlon 2019 na Colombia.