Page 8 - WEB

Published on December 8, 2016 in Politica
ORANJESTAD, Aruba

Joselin Croes no ta un persona desconoci den nos comunidad. Su persona tambe ta un
di e personanan cu a keda anuncia cu lo forma parti di e Plataforma P.O.R , e forsa
nobo pa eleccion 2017. Desde e dia cu mi a anuncia cu mi lo participa den e proximo
eleccion mi a wordo confronta cu tres pregunta clave. Uno, Dicon drenta politica awor?,
dos,cu cua partido mi lo bay , tres ,ki cambionan lo mi persona kier trece pa mi pais.
Dicon politica?, esey ta facil, para na banda , grita y sapatia , rabia lo no trece ningun
cambio pa mi pais. Si nos tur dicidi di keda leu di politica nos mester acepta e ora cu
semper nos pais lo keda den man di e dos partidonan grandi y cu nunca nada lo
cambia. Mi por a scoge pa sigui eherce mi profesion di abogado y ‘’laat de boel maar
waaien’’ pero e ora mi lo no ta fiel na mi curason y mi lo no ta cumpliendo cu mi
yamada.

Mi ta un persona di fe y mi ta kere cu Dios a manda cada un di nos na e mundo aki cu
un tarea, un trabao cu nos mester cumpli cune. Mi ta convenci cu esaki ta mi yamada y
cu esaki ta e trabao cu e tin pa mi persona cumpli cu ne. Pa e motibo aki mes mi a
dicidi di gara e toro na su cacho y postula mi mes pa e proximo eleccion pa asina mi
purba trece un cambio real den e forma di hiba politica na Aruba y cu boso confiansa
kisas hasta den e forma di goberna e pais Aruba y of controla e gobierno di Aruba via
un parlamento cu ta traha sin ta un ‘’Stempel Parlament. Sirbi y yuda mi pueblo pa ami
ta un yamada y un deber. Mi ta stima e pida baranca aki , mi ta orguyoso di ta un
Arubiano y mi kier lo miho pa mi pais y mi hendenan. Mi kier un miho Aruba pa mi
yiunan y pa boso yiunan. Mi nunca antes a mira mi pais den tanto decadencia, cu tanto
debe, cu tanto criminalidad, un sistema di enseñansa anticua, cuido medico pesimo y
cu tanto desunion. Segun Joselin Croes nos hendenan merece un gobierno cu tin nan
dolornan y nan penanan na prome luga .

Pa kico plataforma e forsa nobo? Mi persona a wordo acerca pa varios partido politico,
pero mescos cu 20 aña pasa mi a scoge pa un partido chikito y nobo. Un partido cu ta
carga mi vision. Aunke no ta tur nos miembronan ta nobo semper ta importante pa
combina un partido cu personanan cu experiencia den politica hunto cu e miembronan
nobo. Den e caso di E Plataforma Nobo mayoria di e miembronan ta caranan nobo
algun hoben pero algun cu hopi experiencia den nan ramo di trabao. Pakico nos ta
papia di un plataforma y no un partido paso partido ta limita su mes na 29 candidato y
un partido hopi biaha ta sirbi interes di su partido y no di e pueblo. Segun Joselin Croes
E plataforma di e Forsa Nobo ta kere cu cada miembro tin mesun derecho di VOZ y cu
miembro mi kiermen un y tur cu kier bira miembro di nos plataforma lo wordo scucha y
abase di tur e voz nan aki nos hunto lo traha un plan di gobernacion.

Pa mi e plataforma nobo ta un kiebre cu e dos partidonan grandi tradicional , pa mi
kiermen cambio. Pesey mi deseo pa eleccion 2017 ta pa e Arubiano y ta mas exigente.
Pa exigi di cada politico pa nan dune nan plan di gobernacion y pa e wak pa e plan ta
uno real y cu un buged real. Cuestiona nan ora cu algo cu no ta cuadra. Mi deseo ta pa