Page 21 - MIN ON

AWEMainta Diahuebs, 1 Juni 2017 23

Bo ta interesa pa traha cu mucha y hobennan?

YMCA Aruba ta buscando “Youth Workers”

YMCA Aruba ta buscando dos “Youth Workers”.
E funcion di Youth Worker ta den cuadro di e pro-
grama Tra’i merdia di YMCA, conoci como “YMCA’s
Children After School Educational and Recreational
Program”.
YMCA ta e prome organisacion cu a cuminsa cu un
programa di Tra’i Merdia pa facilita mayornan y pa
brinda guia na nos mucha y hobennan den comuni-
dad di Aruba.

YMCA Aruba ta buscando personanan cu tin interes
y ambicion pa duna un aporte positivo den e desar-
oyo y bida di muchanan entre 4 pa 12 aña di edad y
hobennan entre 13 pa 17 aña di edad.

Como Youth Worker e persona indica lo ta encarga
cu desaroyo, preparacion y ehecucion di actividadnan,
como tambe cu dunamento di huiswerkbegeleiding.
Por pensa akinan riba actividadnan cu ta brinda guia
riba diferente tereno di desaroyo, p. e. desaroyo per-
sonal, social, intelectual y deportivo.

Otro responsabilidad nan ta inclui desaroyo, prepara-
cion y ehecucion di diferente programa y actividadnan
inovativo cu YMCA ta brinda na muchanan y hoben-
nan den e comunidad di Aruba.

E candidato ideal mester tin un estudio na nivel di
MBO of HBO den direccion di “Sociaal Pedagogisch
Werker”, “Youth Work” of un estudio den un direc-
cion similar, of un persona cu tin experiencia den
maneha grupo di mucha y hoben.

YMCA Aruba ta haci un peticion na tur persona cu
ta yena di energia, cu ta tuma iniciativa, cu ta un
ehempel pa nos hubentud y cu tin un edad entre 19 pa
30 aña, pa aplica prome cu diabierna 9 di juni 2017.

Pa aplica mester e-mail un carta di aplicacion y Cur-
riculum Vitae (CV) na ymcaofaruba@gmail.com. Pa
mas informacion tocante e funcion y nos programa
di Y’s C.A.R.E. por tuma contacto libremente cu nos
na 58230762 (Dakota) of 5845303 (San Nicolas).