Page 43 - MIN ON

exterior, pero Censo na a wordo informa door di famia di e fayecimento aki. 3. PERSONAN PERDI.
Personanan cu nan paradero ta desconoci (missing persons). 4. DOBBEL REGISTRACION. Registracion
dobbel na Hulanda y Aruba, mas tanto prome cu 1999. Den e periodo prome cu 1999 personanan tabata
por registra como residente di Hulanda sin mustra prueba cu nan a schrijf uit di Aruba. 5.
DESCONOCIMENTO CU REGLANAN DI UN REGISTRACION DI POPULACION. Hopi persona, vooral
esunnan di otro nacionalidad di paisnan cu no ta conoce un sistema di un registro di populacion, no ta
schrijf uit ora nan no ta biba na Aruba mas. 6. PENSIONADO. Personanan cu a bai biba den exterior
mientras cu nan ta hanja pensioen di Aruba, no kier schrijf uit. Nan ta pensa cu si nan ta schrijf uit, nan
no lo hanja pensioen mas. Tambe tin persona cu no kier perde e asina yama reparatietoeslag riba
pensioen. E reparatietoeslag aki ta conta solamente pa persona cu ta biba na Aruba. 7. PERSONANAN
CU HOPI ANJA SIN PERMISO VALIDO. Personanan cu den pasado a yega di hanja un permiso di
estadia cu cua nan a registra nan mes den registro di populacion y cu despues nunca a hanja of pidi
prolongacion di nan permiso di estadia y cu ta kedando sin permiso na Aruba (pa añanan largo), pero ta
registra den registro di populacion ainda. 8. STUDIANTE. Studiantenan cu ta biba na Merca of otro
paisnan cu no ta den Reino Hulandes.