Page 35 - RDA

logra reapertura di e refineria na San Nicolas.
Mescos cu Glenbert a haci durante di e proceso final di e negociacionnan cu su comedia riba su
biahenan pa Venezuela, e kier sigui haci mescos cu awor e trabounan a inicia cu argumentonan
cu e mes no ta kere aden y ta haci como si fuera e contract por wordo cambia ora cu su persona
of partido MEP kier haci esaki.
Kico ta e cambionan cu e kier haci, Glenbert no ta splica, lubidando cu den pasado gobiernonan
di MEP a haci uzo di un oficina di abogado, cu tabata representa tanto Gobierno di MEP y na
mes momento tambe e compania Mericano cu tabata manehando e refineria, cu tabata un
conflicto di interes masha grandi mes.
Na varios ocasion e director di Refineria di Aruba, a bin dilanti den prensa pa contra aresta e
tipo di declaracionnan incorecto aki y aclaria tur loke ta tumando luga pero aki un biaha mas
partido MEP ta mustra pueblo, cu e interes di partido MEP y su politiconan, ta bin na prome
luga y e interes di nos pueblo ta keda na di dos luga.
Ta trata aki di un proyecto grandi, un proyecto serio cu companianan serio envolvi caminda no
tin espacio pa cualkier tipo di manipulacion manera miembronan di partido MEP ta insisti cu lo
tin,” Parlamentario Marlon Sneek ta declara.