Page 5 - CMB

A16 HENDE
Diasabra 15 Juni 2019

Conferencia Anual di Caribbean Group of Banking Supervisors

ORANJESTAD – Minister Ruiz-Maduro tabatin e
honor di a habri oficialmente e di 37 conferencia
anual di Caribbean Group of Banking Supervi-
sors (CGBS), organisa pa Banco Central di Aruba
(CBA). E conferencia ta tuma luga diahuebs dia 13
di juni y diabierna dia 14 di juni. E mandatario a
dirigi palabra di bon bini na e participantenan di
e 15 diferente pais den Caribe cu ta miembro di
CGBS. GCBS a ser establece na 1983 y tin como
miembro Banconan Central di 16 pais den Caribe.

E conferencia e aña aki tin como tema ‘The Modern
Supervisor: Retooling Supervisory Approaches in a Dy-
namic Financial Environment’. Un excelente tema cu ta
cuadra cu e cambionan rapido den mundo financiero y e
retonan regulatorio y di supervision cu e cambionan aki
ta trece cune.

Durante e conferencia e expertonan di e Banconan Cen-
tral lo trata diferente topico den varios area. Riba e area
di riesgonan operacional lo trata entre otro e temanan di
riesgo cibernetico y e siguridad cibernetico. Riba e area
di supervision financiero lo papia tocante con pa enforsa
e structuranan pa cumpli cu e Ley internacional di AML/
CFT pa evita labamento di placa y financiamento di ter-
orismo. Riba tereno di innovacion financiero lo delibera
riba digitalisacion den mundo bancario, en special riba e
servicionan di pagonan electronico.
Den un comunicado di prensa, e mandatario a subraya
cu Gobierno ta sostene tipo di dialogonan asina aki paso-
bra ta importante pa nos expertonan di banco di super-
vision intercambia di idea cu otro Paisnan den region y
asina keda al tanto di e desaroyonan financiero regional
y internacional.

Ruiz-Maduro a termina deseando tur participante un
conferencia fructifero.

Ceremonia recordando Anne Frank su 90 aniversario di natalicio

ORANJESTAD – Diaranson anochi
tabatin un ceremonia senciyo dilanti
e monumento dedica na Anne Frank
den Wilhelmina Park, pa recorda no su
morto, sino su 90 aña di natalicio, dia 12
di juni 1929 na Alemania.

E ceremonia aki a wordo organisa pa Plata-
forma Hobennan Profesional, cu a bin cu e
iniciativa pa haci un conmemoracion pa no
laga e dia di Anne Frank su cumpleaños bay
perdi. E ceremonia aki a wordo presidi pa
e rabbi Daniel Kripper di e sinagoga Beth
Israel, kende a dirigi algun palabra y un ora-
cion.

Igualmente e hoben profesional, Juan Man-
uel Kelly a presenta un biografia conmove-
dor di Anne Frank durante II Guera Mun-
dial y tambe su famoso diario cu el a skirbi
prome cu a cay den poder di e Nazinan na
Hulanda. E violinista Omar Kock a trece
algun pieza clasico na memoria di Anne
Frank.
E ceremonia aki a conta cu presencia den
un grupo di invitadonan entre na ex prome
minister di Aruba, Mike Eman y su distin-
guido esposa Doinna Eman, miembronan
di e comunidad Hudiu na Aruba, entre nan
e comerciante David Cybul kende a enca-
besa e comision pa bin cu e monumento aki
dedica na Anne Frank. Un idea cu ex pre-
mier Eman a bin cune despues di realisa un
bishita na Costa Rica, caminda e politico a
keda encanta cu e monumento dedica na
e personahe emblematico aki di holocaust
Hudiu.