Page 42 - AHATA

pone riba mesa pa pidi Conseho di Minister di Reino conseho riba un aanwijzing pa
Aruba.

E mandatario a menciona cu un punto ta cu nan ta haya cu minister di finanzas no a

duna nan suficiente contesta, y tambe ta cuestiona cu gobierno no a cumpli cu su
propio ley di contabilidad.

CAft ta bisa cu gobierno no a mantene su mes na e ley di contabilidad, pero di otro

banda CAft no ta menciona cual ta e articulonan cu gobierno no ta cumpli cu nan den e
ley di contabilidad.

E mandatario a señala cu pesey, gobierno den su contesta pa CAft, ta refuta cu tur

forza cu locual nan ta indica den nan carta no ta cuadra cu e realidad y a splica nan cu
locual Aruba a haci den su presupuestonan ta cumpli, completamente, cu e ley di
contabilidad di nos pais.

E dignatario a enfatiza cu gobierno ta haciendo e trabao aki cu tur seriedad, y cu e
situacion financiero den cual nos pais ta, no ta permiti pa haci wega cu e asuntonan aki
y sigur no cu e presupuesto di Aruba.

Unda CAft ta señala cu gobierno ta traha en pugna cu e ley di contabilidad, ta pasobra
nan ta bisa cu gobierno no ta duna un bista integral, por ehemplo, den e plan pa baha
gastonan di personal, y tambe riba kico e plan di belasting ta. Akinan, nan kiermen cu
pasobra gobierno no a duna suficiente bista e no ta cumpliendo cu e ley di contabilidad.

Minister Ruiz Maduro a remarca cu e como Hurista, y e sa cu den CAft tambe tin
Hurista, loke CAft ta papia no ta cuadra y si tene nan mes na e protocol nan mester sa
cu den e protocol no tin nada bisa, por ehemplo, riba e Plan di Reforma Fiscal.

Esaki no tin di haber cu e ley di contabilidad, y segun e minister CAft ta bruha den otro
dos cos completamente diferente y nan ta sali for di un opinion robes.

Encuanto e protocol e mandatario a bisa cu gobierno a reitera cu e ta sigui atene su
mes na e protocol cu nan a firma entre Aruba y Hulanda, y locual ta poni claramente
eyden gobierno ta cumpli cune. E mandatario ta haya cu CAft ta hinca den su carta,
hopi contradiccion.