Page 10 - AWEMAINTA
P. 10
10 AWEMainta Diamars, 5 Februari 2019
Pa ora Bomberona a yega
Ya caba dak y deck di
Amuse Sunset Restaurant
tabata full na candela
DIADOMINGO anochi laat, algo prome cu mei anochi, a surgi un
candela grandi na Bucutiweg, unda Amuse Sunset Restaurant Aruba a
kima completamente.
Pa ora cu e Bomberonan a yega, ya e vlamnan tabata halto y for di tore di
control na Aeropuerto por a mira esaki.
Bomberonan a constata cu e dak y e deck tabata full na candela, esta cu
no por bisa exactamente unda e candela a cuminsa.
Un boto di fiber cu motor na dje tambe a kima completamente, restonan
di e boto y palonan a drief bay den e lagoen.
Mainta tempran Polis a bay e sitio un biaha mas, paso aparentemente
lo tabatin hende n’e sitio of loke a keda di dje ta “move” cos, loke no ta
permiti tanten cu investigacion tuma lugar.
Pues durante dia instancianan concerni y posiblemente seguro tambe lo
bay ta n’e ruina pa haci nan investigacion. Bomberonan a keda cla rond di
3’or di dialuna madruga, cu e pagamento, pero no tabatin nada di scapa.
.
