Page 20 - HOH

A haci varios analisis y a haya sa cu tin tres specialisacion cu kier a trece bek. Un di nan ta e tratamento special di
spuit den wowo, pa problema vooral di diabetico.

Esaki lo trece 4 miyon florin bek pa Aruba. E suma cu tabata wordo gasta den exterior… “aki nos a trece 4 miyon
florin bek y a spaar mey miyon cu por wordo inverti den algo otro.”

E di dos parti cu lo bin cune ta cateterisacion cardiovascular. Te cu awor na Aruba tabata cateterisa diagnostico so.
Esaki kiermeen cu ta wak e slagadernan y djey ta manda e pashent afo.

“Nos ta bay percura pa cuminsa cu esey na Aruba mes. A haci un pilot caba, casi dos aña largo compaña pa analisis y
feasibility study, estudio di seguridad y e ta make sense. Ta bay spaar placa, no solamente directamente, sino mas
ainda indirectamente pasobra e cantidad di hendenan cu ta bay cu fayo di curazon, cu ta zwak y no por haci mucho
por logra rescata musculo kedando Aruba y asina despues participa miho den comunidad,” e ta splica.

E di tres parti cu lo kier trece bek ta e parti di radio terapia den oncologia. “Nos kier bay haci’e aki na Aruba mes.
Diferente estudio a wordo haci, entre otro, un feasibility study pa e parti financiero, y nos a wak cu e ta bay ta un
break-even sigur. Esey ta e parti financiero so, sin conta e parti social economico unda cu hendenan no mester kita
for di trabao of bay sin pago pa compaña famia. Esakinan tur no ta bay ta necesario pasobra e cliente ta keda Aruba,
famia ta na Aruba loke ta trece hopi beneficio cune,” e ta bisa.

“Mi lo kier a gradici Minister President y Minister di Finansas pa a compaña’mi awe pa e evento importante aki,”
Minister Schwengle a conclui.